إخواتي الحلوين
موضوعي للمسابقة اليوم عن التكييف
التكييف كل فترة يحتاج الي التنظيف الجيد
وليحتفظ بجودة أداؤه لابد أن تنظف فلاتره جيدا
بصراحة إحنا بننظفه مرة واحدة في السنة
يعني كل صيف فقط
واليوم قرر زوجي أن ننظف التكييف
طبعا جريت أحضر ادوات التصوير
فرصة طبعا إني أعمل موضوع جديد للمسابقة
بلعب في الوقت الضايع زي ما بيقولوا
طبعا إستغرب زوجي جداااا من تصرفي
وقاللي إيه يا بنتي هتصوري إيه بس
طبعا معرفتش طبعا أفهمه إيه نوعية العمل اللي بنعمله هنا
يعني خليها سر بنا يا جماعة ماشي
ومفيش حد يقول له
اوك متفقين
الموهيم
دي صورة التكييف قبل التنظيف
طبعا مش واضح أبدا إنه متسخ لكن
بعد أن فك زوجي غطاء التكييف إذ بنا نرى هذه الفاجعة
دا شكل فلاتر التكييف ويملؤها الغبار والأتربة بقوة
ودا شيء يوثر بالسلب على أداء التكييف ويجعله بطيء التبريد ويحجز الهواء المبرد
عموما فك زوجي الفلاتر ودي صورة ما وراء الفلاتر
طبعا اكيد تملؤها الأتربة بهذا الشكل
وظهرت مواهبي
حيث أخذت الفلاتر الى الحمام في جولة تنظيف رائعة
وفتحت المياه على الفلاتر لتنظيفها بالماء الجاري فقط
وبالإسفنجة فقط إبتديت أفرك جميع الأتربة بهذه الطريقة
وبعد أن نظفتها بالماء بواسطة الإسفنجة جيدا تركتها لتجف
وأصبحت نظيفة جدااااااا وكأنها جديدة
نرجع بأه للتكييف وتنظيفه
وصلنا لغاية منطقة ما وراء التكييف
بواسطة بلاور هواء إبتدينا نطرد الغبار العالق هكذا
وبعد ذلك جبت فرشة الأسنان صديقتي الغالية في مشوار التنظيف
إبتديت أفرك بها الأتربة العالقة برفق شديد
لأن هذا المكان حساس جدا وأي ضغطة مني بشدة تسد فتحات الألومنيوم
بصوا الأتربة كتيرة إزاي
لازم ننظف جيدا من فوق لتحت بحركة خفيفة
وبفوطة التلميع ومن وراء الريشة إبتديت أمسح برفق الريشة من تحت
بصوا الأتربة العالقة كثير إزاي
وفتحت الريشة من فوق وكانت مليئة بالأتربة العالقة في نسيجها
وبلطف شديد إبتديت أنظفها بالفوطة رايح جاي
وخليتها نظيفة وزي الفل كدة
وجبت زجاجة عطر أسنس برائحة الزهور
ووضعت بعض القطرات على نسيج الريشة
بصراحة بتجعل الغرفة برائحة رهيبة أثناء تشغيل التكييف
وكل فترة أفتح الريشة وارش فيها ماء فتملأ الغرفة بالعطر
وبجدد كل فترة العطر
وهنا مسحت سطع التكييف العلوي
وكان التصوير صعب جدااا في العلالي
وهنا ركب زوجي الفلاتر مرة أخرى وكانت نظيفة وجميلة
وطبعا لمعته كويس من بره وبأه بيبرق من النظافة
وياسلام على جمال ريحته وبرودة هوائه دلوقتي
إيه يا جماعة رأيكم
أتمنى أكون وفقت في تقديم الموضوع لكن
وتكونوا إستفدتم منه
وأركم في فكرة أخرى إن شاء الله من أفكاري للنظافة والتنظيم
وصلى الله وسلم وبارك على سيدنا محمد
الروابط المفضلة