بخبركم قصتي مع خدامتي(علشان تاخذون خبرة في التعامل مع الخدم)

[ليالي]

هلا خواتي.. ويا أهلين ويا سهلين بالناس الحلوين

طبعا بما أنكن دخلتن هالموضوع فأكيد إنكن عانيتن من خدماتكن ولو شوية

أدري أن هناك الكثير من الأخوات لا يحبذ أنه يجيب خادمة وأنا منهم ..

لكن شو بتسوين لما تكون الأعباء المنزلية كثيرة وريلج مصر على احضار الشغالة لأنه طلباته كثيرة
هذا من غير البيبي منو بيمسكه وانتي قاعدة تخمين وتطبخين

المهم ..طولت عليكم وبقولكم قصتي:

جبت أول خادمة لي..كانت أندونيسية .. مشتغلة 12 سنة في السعودية
(هذي أول غلطة ..لا تجيبين وحدة كبيرة وايد وخبرتها كثيرة لأنها بتتحكم في البيت.. وبتستهين فيج)

أنا كنت حامل..ولسة منتقلة بيت جديد ..ولسة متوظفة جديد.. وكنا في رمضان.. فشفتها وشفت السلامة

طبعا المثل يقول (الجواب يبين من عنوانه) لكن أنا اللي ما فهمت.. من جتني وإهيه جرييئة بشكل لا يطاق ..

تخلص الأكل اللي في الثلاجة .. تطبخ اللي على كيفها.. وأنا أقول ما عليه هذي البداية وإهيه كويسة..وبتتعود على نظامي..

خربت ملابسي وعباتي وشيلي الجديدة (هذا من أول اسبوع) .. أنا أقول ما عليه بتتعلم هذا وخبرتها 12 سنة قلت الله يعين أول مدام اشتغلت عندها

طبعا ما بقالنا خير في الثلاجة ...تجاوزت الطعام الأساسي (اللي لازم نوفره لأي خادمة ) إلى حد الرفاهيه..

خلصت النسكافيه ..وتشرط وتقولي أنا ما أحب غير جبن الكيري(كرتونين أبو 24 حبة خلصتهم في أول إسبوع ) ..
وما تحب غير الصمون الترف اللي يبعونه في كارفور بس..وما تحب البيض الا اللي يكون أصفر من جوه..
وكل ما اشترينا زبدة فول سوداني..إهيه اللي تفتحه وتخلصه..ولما أسألها تقول : ( يمكن بابا في ياكل)

كل يوم الضحى أشوفها مقطعة كمية خضار من كل الأصناف والله العظيم (تقولين بتسوي عزيمة ) هذا ريوقها بس

أما غداها فلما أجي علشان أطلع الدجاج من الفريزر ألاقيها سابقتني

فإذا فيه دجاج كبار خشته حقها وطلعت حقنا الدجاج اللي صغار وقالت ما فيه دجاج

ودع الباقي لخيالك

(هذي ثاني غلطة إني لما شفتها جي سكت عنها وتغاضيت وقلت بالعافية عليها في حين إن هذا خلاها تتجرأ أكثر وأكثربعدين )



البقية في الحلقة القادمة

[إيمان علي]

أختي سأنقله إلى ركن القضايا الاجتماعية.

[حناين]

كان الله في عونك اختي ليالي .. لو انا منك ما راح اسمك نفسي صرااااااااااااااااااااحة ..

يلا راح انتظر العدد القادم من مذكراتك

[هنلي]

والله في عند احد قريباتي شغاله ياويلي منها
اول اشي ما بتحب تشتغل ودايما قاعده على التلفزيون وقاعده بتوكل شوكولا - من الغالي طبعا -
وتسالي وكل ما اروح عند قريبتي بلقيها واقفه هي والشغاله في المطبخ وهي تقول لها اعملي وسوي
وقال بعديها كمان زي ما في صبحيه - النسوان بيتجمعن عند وحده لشرب القهوه كل صباح -
قال الشغالات بدهن يتفقن يتجمعن مره او مرتين كل اسبوع او يروحن على المنتزه
وهذا غير نقل القال والقيل
يعني لما اروح بتكون زي الساتالايت بتلقط وبتسمع كل كلمه بنحكيها وخذي مشاكل بعدها
وهذا غير مكالماتها في التلفون
وغيره وغيراتها

[بنوته مدينيه]

لا كده شوقتينا ابغى اسمع الحكايه الى اخرها
عشان اقولك رائى
باى

[ضوءالقمر]

وانا انتظر البقيه

شو ماد كله الله يعينك

[وسام]

اختي ليالي الله يكون في عونك
نحن في انتظار البقيه

[سموح]

لوكنت مكانك ما خليتها اسبوع..على العموم
كملي ونحكم

[الشهد]

فعلا اختي اعانك الله

واكبر غلط يرتكبه البعض انهم يجيبوا خدامات لهم فترة طويلة مشتغلين او انهم اشتغلوا في نفس المنطقة

اما الاول فكما ذكرت بيكونوا متسلطات

واما الثانية لانهم بيعرفوا المنطقة وممكن اقل شي تسويه تتفق مع احد وتشرد

فيعني ان كنت من المنطقة الشرقية جيبي واحدة من الغربية او الجنوبية او اي مكان بعيد

وربي يعيننا جميعا على بلواهم



وننتظرك لا تتاخري

[الحياة]

وبعدين شو صاار؟؟؟؟ياوياي؟الله يخليكم علموني كيف يتعاملون مع الخدامات؟؟