سلام عليكم
خطرت في بالي فكرة ..
أعمل جدول مبسط للطفل يعلمه كيف يحل المشاكل
طبعاً هو مناسب لعمر 6 سنوات فما فوق
واللي تشوف طفلها عمر 5 سنوات وتعتقد يناسبه ممكن تطبقه
نسيت أقول شغلة:
لازم تكوني مع الطفل في البداية وتشرحي له كل عمود وكل نقطة وش تعني والأفضل تطبقي الجدول أمامه
تختلقي مشكلة وتعلميه كيف يستخدم الجدول في حلها
ابقي معه مرة ومرتين و3 وأكثر شوي .. ليما يتقنه
بعدها ..
خليه يحل المشكلة بنفسه بس يطلعش بالنتيجة ..
وتعطيه مقترحات وملاحظات إذا احتاج
وإذا حل مشكلة .. كافئيه مكافأة يستحقها في كل مرة
مهما كانت المشكلة صغيرة أو كبيرة
تعريف المشكلة:
يعني شنو المشكلة بالضبط؟
تحليل الاسباب:
يعني شنو سبب المشكلة؟
تعريف الحلول:
وضع حلول مختلفة لحل المشكلة
اختيار الحل الأفضل:
تعلميه شنو الحل الأفضل وشلون يختاره
وضع خطة العمل:
بعد ما اختار الحل الأفضل .. شلون بيطبقه؟
ووش يحتاج لتطبيقه؟
ومتى بيبدأ في التطبيق؟
**
من المشاكل اللي ممكن تحصل مع الطفل:
عراك بين أخوانه أو زملائه وأصدقائه
عدم حبه للتعلم أو مثلاً لمادة معينة من المواد
وهلم جرا
الموضوع من جهدي وتنسيقي
أرجو ذكر المصدر
لا أجيز السرقة
رد مع الاستدلال
الروابط المفضلة