حبيبتى انتى فعلا فى عمرى بنتى لكن هى اصغر منك شويه
بلاش تقولى لنفسك حعمل دايت
ابداى بالتخفيف احسن وتقدرى تستمرى عليه وكويس انا ماما بتعمل دايت يعنى حتلاقى قدامك تشجيع وكمان اكل صحى
بصى يا قمر شوفى انتى بتاكلى ايه فى الفطار مثلا بيضتين ورغيف وجبنه وفول مثلا
نقصى منهم كل اسبوع حبه يعنى قللى خليها بيضه وملعقة فول ونص رغيف استمرى كده اسبوع
الاسبوع اللى بعده خليها بيضه لوحدها مع ربع رغيف وهكذا فى الغدا والعشا
ووجبة الغدا حطى كل اكلك فى طبق واحده مقسم بلاش تزودى عليه يعنى حطى الرز والبروتين والخضار بحيث ان الطبق يبقا شكله حلو ومش مليان على الاخر والزمى نفسك انك متزوديش عنه
اهتمى بالخضروااات كتير خلى امامك طبق كابوتشى او خس او خيار اى حاجه بتحبيه وقت الجوع كلى منها او فاكهه اللى تحبيه
اشربى ميه كتييييييييييير احنا فى الحر والجسم بيحتاج ( اوعى تقولى مش بحبها ) اتعودى بالتدريج
الاهم بقا انك لازم تنزلى تتمشى ساعه فى اليوم حتفرق معاكى كتير وتحسن نفسيتك وتطلع الطاقه المكتئبه عندك بالمشى
ان شاء الله تلاقى نتيجه من اول اسبوع
وبلاش حبيتى ادوية الدايت انتى لسه صغيره عليها وكمان خطر على صحتك
الروابط المفضلة