كيكة الجبنه المخططه او الزيبرا كيك ( لون اسود وابيض)
نحتاج الى قالب الفرن الي يستعمل لمره واحده قالب الانجليش كيك
المقادير:
500 ملل كريما الخفق للحلويات
1/2 كوب حليب
علبة بودينغ الفانيلا او ما يعادل 80 غرام بودرة بودينغ فانيلا
250 غرام جبنه لينه متل فيلادلفيا اي نوع جبنه تستخدم في تحضير التشيز كيك
1/2 كوب سكر
حوالي 20 حبة بسكوت ( بسكوت الشاي البسيط لونه بني يكون فيو كاكاو اصلا )
قليل من الحليب للبسكوت
قطرات قليله من الزيت او زيت سبراي لرش القالب
طريقة العمل:
نخفق الكريما السائله مع الحليب وبودرة البودنيغ والسكر بسرعة عاليه لمدة 3 دقائق حتى نحصل على كريمه كثيفه نضيف الجبنه ونستمر بالخفق حتى 20 ثانيه
ندهن صينية العمل بكميه قليله جدا من الزيت نضيف لها مزيج الجبنه ونترك منه 4 ملاعق كبار على جنب بعدها نحضر البسكوت ونضع في الحليب فقط نبلله ونرصه في الجبنه بشكل عامودي يعني تكون البسكوته واقفه في الصينيه ما بعرف ازا الصوره رح توضح هاد الشي بنوقف كل خمس بسكوتات جنب بعض وبينهم فراغ صغير هيك حتى نعبي كل مزيج الجبنه . نغطي البسكوت بباقي الخليط ونضع في الفريزر مدة 5 ساعات او بنتركها ليله كامله
تاني يوم بنقلبها على صحن تاني وبنزينها ببرش الشوكولا او كيف بتحبو
ويفضل نطلعها من الفريزر ونحطها بالتلاجه مدة ساعه حتى يسهل تقطعيها ..
سهله جدا وطيبه كمان ممكن تاكلوها مجمده وتكون متل البوظه او بارده متل التشيز كيك
الروابط المفضلة