السلام وعليكم ورحمة الله وبركاته
اليوم حقدملكم كيكة الجزر يمكن كتير منا بيعملها بس طريقتي هي اضافة صوص الجزر للكيكة اللي بيعطيها طراوة وبخليها تكون اطيب واطيب تفضلوا معي للطريقة :
بس رجاء يا صبايا لا تعليق عالتصوير لانو بصور من الموبايل هههه
أول شي بنجهز صوص الجزر ومكوناته :
2 كوب سكر ، كوب ماء كم نقطة ليمون وكوب ونص جزر مبشور
نضع عالغاز السكر والماء والليمون يعني يصبح عنا قطر او شربات ولما يعقد عنا بنضيف الجزر المبشور ومنخلي يغلي مع القطر لحتى نحس انو الجزر دبل
بعدين بنرفعه عن الغاز و نتركه حتى يبرد .
الخطوة الثانية :
بنجهز كيكة عادية كل واحدة وطريقتها بالنسبة لكيكتي المعتمداه وهي طريقة زهرة النارنج الله يذكرها بالخير
4 بيض + فانيلا ، 2 كوب طحين ، 1 كوب سكر ،1 كوب زيت او اقل شوي + 2م صغيرة بيكنج باودر وتقريبا كوب صغير حليب او ماء وطبعا لكيكة الجزر ضفت 1ملعقة صغيرة قرفة مطحونة و نص كوب جوز عين جمل وكوب ونص جزر مبشور
خلطتهم كلهم مع بعض ووضعتهم بالقالب طبعا بعد دهنه بالزيت ورشه بالطحين و ضفت على وجه الكيكة حبات الزبيب يم يم شو زاكيين
هلا بعد ما طلعت الكيكة من الفرن نقلتها لصحن تاني وعلى طول وهي سخنه سكبت عليها صوص الجزر كلو ووزعت برش الجزر اللي بالصوص بتناسق متل ما انتو شايفين
وهيك كيكتنا جاهزة للأكل هههه تفضلو يا صبايا
بس عنجد طعمها روووعة كتير جربوها واحكمو
وصحتين وعافيه
وهاد الصحن للحبايب
امانه يا بنات ما بدي غير دعوة منكم بالخير وسلامتكم
الروابط المفضلة