بسم الله الرحمن الرحيم
السلام عليكم ورحمة الله وبركاته
النهارده حبيت اقدم لكم طبق مغربى اترددت كتير انى اعمله بس بصراحة لما عملته طلع ممممممممم طعمه جميل جدا
و اترددت اكتر اقدمه فى المنتدى لان دى اول مشاركة لى و طبعا زى ما انا متابعة من زمان الكل بسم الله ماشاء الله مبدعات و اساتذه فى المطبخ
و ارجوا انكم تقبلوا مشاركتى المتواضعة دى
المقادير:
دجاجة مقطعة مع عظمها وجلدها مع كبد الدجاج ( انا طبعا جربت فى نص دجاجة لانى كنت خايفة من النتيجة و محطتش الكبده )
نص ملعقة صغيرة ملح مع ملاحظة ان الليمون و الزيتون مملحين فنحاول اننا نراعى النقطة دى
1 م ص فلفل اسود
1 م ص زعتر مطحون
1 م ص زنجبيل بودرة
4 ملاعق كبيرة زيت زيتون
3 ملاعق كبيرة زبدة
بصلة كبيرة مقطعة شرائح
3فص ثوم
نص ملعقة زعفران ( لم يتوفر عندى فلم استخدمه )
نص حزمة كزبرة + نص حزمة بقدونس
3 ونص كوب ماء
واحد ليمونة مخللة مقطعة شرائح
10 حبات زيتون مخلى و مقطع
الطريقة:
نحط الدجاج مع الكبد فى قدر ونضيف الملح والفلفل والزنجبيل
والزيت والزبدة والبصل والثوم والزعفران والكزبرة
ونضيف الماء ونخليه يغلى
مدة ساعة ونقلبه خلالها مرتين بس
ارفعى الدجاج فقط ونحمره شويه بالسمن
ونحطه جانبا فى الطبق اللى حنقدم فيه
ضعى الكبدة والثوم
والبصل اللى فى المرق فى خلاط واطحنيه بعدين رجعيه للقدر ونضيف
الليمون المخلل والزيتون وخليه يغلى على النار
رتبى الدجاج بطبق وصبى المرقه فوقه وقدميه حالا و جمليه بالبقدونس المفروم
تقدم مع الارز الابيض
و الف هنا
ياريت تجربوه و تقولوا لى
الروابط المفضلة