جــــــوله في دولـــــه ..ولنا عوده

[الدرر]

بسم الله الرحمن الرحيم
السلام عليكم ورحمة الله وبركاته
نعتذر على ايقاف جولاتنا السياحيه في عالمنا الجميل وذلك لضمان سلامة المسافرين اثناء الحرب الغوغائيه

على كل تسر لجنة( الدرر للسياحه والسفر) الإعلان عن فتح باب التسجيل للراغبين في الإنضمام للجوله القادمه ان شاء الله قريبا ..ونرجو منكم اصطحاب كل مفيد والتزود بالطعام لاننا قد لانجد من يدعونا هناك مثل كل مرة

على كل انا املي كبير باننا نجد من يرحب بنا في جولتنا هذه فنحن سنتوجه ان شاء الله لدوله عريقه جميله حرة

الى ان نعلن انطلاق الرحله نرجو منكم الإستعداد..

ولكم تحياتي

[السلفية]

وعليكم السلام ورحمة الله وبركاته ..
الدرر .. مبروك إفتتاح اللجنة ..
أنا أول وحدة تعلن الإنضمام إلى تلك الرحلات .. وبما إني أول وحدة .. رحلاتي لازم تكون مجاناً .. أو لازم تعطيني خصم 99% ..

والله الله في الرحلات الزينة ..

لكن أبي أسألك سؤال .. متى يجي الدور على الكويت ..
الكويت تراها ما شاء الله حلوة .. لكن الله يعينكم على الحر ..


عموماً الله يعطيك العافية يالدرر على هذه الرحلات .. وعلى جهودك غاليتي ..

[أمل وضياء]

وعليكم السلام ورحمة الله وبركاته
بإنتظار رحلتك الدرر .. لقد جهزنا أمتعتنا
الله يعطيك العافيه ..

[الدرر]

بسم الله الرحمن الرحيم

حياالله السلفيه..

ولايهمك خصم 99.9 بس عليك تأمين الوجبات

وبعدين اذا تعزمينا في الكويت بنيجي ... بالك يعني نمر عليكم هناك?

انا كنت ناويه ارجع على الكويت بعد رحلتنا لجهه اخرى, لكن بما اننا على مقربه من اليمن راح نعدي عليكم ان شاء الله بشرط مساعدتي في الإرشاد

وياشمس الحق ما رأيك نروح عند السلفيه?

[زوجة داعية]

وعليكم السلام ورحمة الله وبركاته
مبروك إفتتاح ( الدرر للسياحه والسفر)
وداااااااائماً سلوفة تسبقني
ياحبوبتي ياالدرر أناجــــــــاهزة متى راح تبدأالرحلة وبعــدين وما دأمك قريبه من اليمن معناه أنك قريبة من السعوديـة
متى يجي دور السعوديـه لأنها كبيرة وحلوه وشرحه وبرحه (صارت شقة ماهى دوله )

و متى راح نروح للكويت علشان تقعد سلوفة تكرف وتشتغل وتطبخ وتنفخ .....وتحلل الرحله ألي ببلاش والمجوهرات ألي خذتها قبلنا في رحلة اليـمن

[زهر النسرين]

و عليكم السلام ورحمة الله وبركاته


اشتقنالك اختي


نسير معك على بركة الله في الرحلة الجديدة

لا تنسو الماااااااااااااء
انا لا أكل ريجيم

وفقك الله اختي الدرر

[شروق]

ماشاء الله وكالات وساحة وسفر
ومجوهراااااااااااااات
وانا مثل الاطرش في الزفة
طيب سلوفة انتي وزودعية وشموسة ماتعلموني
خلاص ماراح اجيب لكم ولا هدية من امريكا
خخخخخخخخخخخخخخخخ
اكتبي اسمي يااغلى الدرر وانفسها
وبالمجان ادخلني وكالتك
واجعلي الحساب هو اجمل الكلام
ياجمل الصبايا
حخخخخخخخخخخخخخخخخخخخخ
وش قلتي

[الدرر]

بسم الله الرحمن الرحيم

زوجة داعية:


حياك الله ويسعدنا انضمامك مرة اخرى, ولايهمك اذا حصلنا مجوهرات في السوق فهي من نصيبك لكن اذا جيناك في السعوديه فالمجوهرات تكون لنصيب اول سائح ينضم لنا ..

واطلب من السلفيه ان تحضر نفسها للطبخ والنفخ ..لكن احذرك من اولادي لأنهم ان نزلوا في بيتك جعلوه ركام ونتفوا زريعاتك اذا عندك زريعه
وياريت تحضري كل وسائل ااترفيه للأطفال حتى لايفضحوني عندكم

على كل ترقبي وصولنا ان شاء الله

يا زهر النسرين وانا اشتقت لك ايضا ويسعدني انضمامك معنا ..
وبعدين طالما ان السلفيه من سيطبخ فلا داعي للرجيم اليوم وخلينا نجرب ـطبيخها

شروق اهلا بك عزيزتي .. وتكرم عيونك نضمك الينا بالمجان ضيفه عزيزة
وترى السلفيه وزوجة الداعيه لطشوا كل المجوهرات المرة الماضيه فلحقي عليهم

[السلفية]

الدرر ..
حياكم الله في الكويت ..
بس إنتوا تعالوا وابشروا باللي يسر خاطركم ..

لكن تعالي أقولك .. ليه الوجبات علي ..

-----

زوجة داعية .. أنا السباقة ..
وبعدين طالما السعودية شرحة وبرحة وكبيرة وواسعة .. نجيها ليش ما نجيها لكن وفري لنا يا غالية طيارة داخلية .. حنا ما نتنقل بسيارة لأنها متعبة جدددددددددداً ..
شوفي إذا وفرتي طيران داخلي .. علمينا علشان نجي ..
يحليلك يا زوجة داعية إلى ما ألحين تذكرين مجوهرات اليمن << --- وأنا أقول الفضة اللي عندي ليه تغير لونها ..
وبعدين تعالي حياك الله في الكويت .. علشان أوريك الشغل والكرف .. لكن الطبخ والنفخ ما أعتقد بتشوفينه

-----

زهر النسرين .. طالما الرحلة مجانية .. والوجبات مجانية .. أنصحك لا تطوفينها ..

-----

شروق .. ابشري بكل خير ..

-----

الدرر .. لا تنسين إني أول منضمة لهذه للرحلات .. علشان كذا مجوهرات السعودية كلها لي أنا .. تعويضاً عن مجوهرات اليمن ..
وبعدين ليش أنا خصم 99,9 % وشروق مجاناً .. وأنا أول وحدة انضميت للرحلة !!!!!
وبعدين أحب أقولك يالدرر علشان ما تجوعون ترى أنا ما أعرف الطبخ والنفخ للأسف ..
وأطمنك بيتنا الحمد لله ترى ما فيه زريعات فيه نخلة كبيرة بس .. وحيا الله أولادك مع أولاد أخوي .. لكن أنا ماني مسئولة عن الإصابات اللي راح تصير فيهم ..

[الدرر]

بسم الله الرحمن الرحيم

ننطلق على بركة الله مع نسيم الفجر. والى كل من التحق بنا نهديهم تحياتنا, ونرجو منكم التأكد من اوراقكم وامتعتكم ,وكاميراتكم ,وطبعا اموالكم لانكم ستحتاجونها لدفع التذاكر




تغرب عن الأوطان في طلب العلا وسافر ففي الأسفار خمس فوائد
تفريـج هم واكتساب معيـشة وعلم وآداب وصحبة ماجـد