للبحث في شبكة لكِ النسائية:
|
ماشاء الله مجهود رائع
موفقه انشاء الله
فرجينا الشال عشان اللى ما شافهوش يشوفه
تسلم ايدك مقدما
اكيد هتكون ورشه رااااائعه
الشرح إلى حد ما واضح بس عندى استفسار
أنا هعمله لنفسى فهو ينفع بمقاس كبير والتغيير حسب المقاس هيكون فى عدد الأسطر و لا إيه؟
معلش كمان عاوزة أسأل السلسلة اللى هنعملها فى الأول خالص هنقفلها بمنزلقة صح؟ ولا أنا غلطانة؟
معلش أصل أنا مبتدئة وعلى أدى خالص فواحدة واحدة وبالرااااااحة عليا هههههههههه
- السطر الرابع هاتشتغلى فى الفتحات كلها بدون ترك واحدة يعنى هاتشتغلى 3اعمدة بين كل 3 اعمدة واللى بعدها بنفس الطريقة هاتشتغلى 3اعمدة سلسلة 3 اعمدة فى الفتحة التالية لحد ما توصلى للست اعمدة هاتشتغلى بينهم 6 اعمدة اخرى بسلسلتين فى النصف لحد ما تكملى حوالى 5 اسطر بنفس الطريقة
8- قيس الوسع بتاع الاكتاف عليكى وابداى بعمل التوسعة فى جانبين الشال اللى هم على الذراعين هاتدخلى فى اول فتحة فى السطر وتشتغلى 4 اعمدة وسلسلتين وتكملى الشغل عادى 3 اعمدة وسلسلة فى الفتحات التالية وهكذا لحد ما توصلى للجنب التانى من الشال اللى ناحية الذراع الايسر واعملى فى الفتحة 4 اعمدة وسلسلتين برده وتكملى الشغل عادى فى باقى الفتحات 3 اعمدة وسلسلة
ملحوظة: علشان يطلع الوسع متساوى من النحيتين هاتقسمى عدد الفتحات المرة دى على 2 وهاتخلى التوسعة (ال4 اعمدة وسلسلتين) فى بداية السطر الجديد وتشوفى المقابل ليها من الجانب التانى وتعملى نفس الحكاية وده علشان يبقى التوسعة فى جانبين الشال وتبقى مش باينة لانها هاتبقى على الذراعين من الجنب مش من الامام وتبقى باينة وده المغزى من اننا نقسم عدد الفتحات فى البداية لربع ونصف وربع
9- استمرى على هذا المنوال لحد ما توصلى للوسع المناسب والطول المناسب
الروابط المفضلة