قصتى ومعاناتى مع المستشفيات ومرض ابنى ربى يحمية ツ】شعار تجربة ام ناجحة ツ】
السلام عليكم ورحمة الله وبركاته
اخواتى الحبيبات هحى ليكم بالتفصيل مرض ابنى شهر 8 اللى فات لما كنت فى الاجازة
فى يوم صحانى ابنى من النوم الصبح على مغص فى بطنو وعلى اسهال دخلتو الحمام الله يكرمكم ورجعت نيمتو وانا رجعت للنوم بعدها بحوالى ساعه صحى من النوم وقالى عايز اروح الحمام دخلتو الحمام كان عندو اسهال
انا افتكرت انهم شوية برد فى بطنو وهيروح ذاد المغص عليه بس مكش مستمر مغص يروح ويجى والاسهال اصبح حوالى كل نص ساعه على الظهر وديناه على مستشفى كيلو بترا دخلت للدكتورة كشفت عليه وقالت لى انو عندو مبادى نزله معويه كتب ليه على العلاج عبارة عن محلول جفاف عشان الاسهال وادويه للاسهال وعلى ريري بودرة احلها بمايه وياكلها روحت البيت ذاد الاسهال جدا واصبح كل شويه وبدا معاه الترجيع اتصلتعلى الدكتورة تانى قالت لى هاتيه تانى رحنا رجعنا علىالمستشفى تانى قالت نعلق ليه محاليل قلنا طيب شلناه ونزلنا تحت الطوارى عشان يحطو الكانولا اه يا قلبى كذا ممرض عشان يحط ليه الكانولا وابنى فى قمة الصراخ المهم حطو الكانولا ليه واخد قزازة محلول وقاسو الحرارة كانت 39 وقالو لى خلاص هوا كويس يمشى على العلاج لمده 5 ايام وخلاص
رجعت البيت وابنى سئت الحاله اصبح استفراغ متواصل واسها اكتر من 25 مره فى اليوم اتصلت على دكتور فى مستشفى تبارك للاطفال قالى على طول على المستشفى لازم يتعلق له محاليل رحنا طيران على تبارك انتظرنا حوالى ساعه ودخلنا للدكتور كشف عليه وابنى فى حاله لا يعلمها الا الله كشف عليه الحرارة 40 قالى عندو تسمم لازم يروج مركز السموم رحنا مركز السموم يالله على اللى شفتو هناك يارب ارحمنا برحمتك السراير اللى بيكشفو للمرضى عليها قمة فى القزارة جه الدكتور طبيب امتياز قالى عندو ايه حكتلو اللى عندو بدون ما يكشف عليه قال للممرضه اديلو ابره بسال الممرضه دى ابره ايه قالت لى بتاعت كلووكتب ليه على لائحه بادويه وعلاجات غير اللى عندو ومن ضمنها ابر اخدنا العلاج ورحنا البيت وانا فى حاله لا يعلم بيها الا الله الله المستعان روحنا البيت وابنى خلاص اصبحنا تقريبا قاعدين فى الحمام الله يعزكم من كتر الاسهال وتانى يوم اصبح مصاحب معاه دم اصلا هوا مش اسهال عباره عن سائل اصفر لانو مش بياكل يعنى بطنو فاضيه اخد العلاج دون تحسن بل الحاله بتذداد سوء اتصلت على دكتور تبارك تانى قالى روحى بيه مستشفى الدمرداش قسم الاطفال رحنا على هناك لا اله الا الله طبعا انتو عارفين المستشفيات الحكومه ازاى دخلت اوضه غريبه فيها كذا سرير للكشف كل سرير عليه طفلين والفرش قزر جدا يالله يارب رحمتك بينا جت دكتورة امتياز قالت لى عندو ايه قلتها بقالو 4 ايام عندو اسهال واستفراغ وحراره عاليه بدون ما تكشف راحت كتب لى لائحه من الادويه غير اللى معانا اصبح عندى 3 لوائه من الادويه وكل روشته غير التانيه قلتلها مش هتكشفى عليه قالت لى لا باين عندو ايه انا انفجرت من العياط ومسكت الروشته وقطعتها ورمتها قلتلهم حرام عليكنم ابنى عندو اسهال واستفراغ بقالو 4 ايام وانا من مستشفى للتانيه ومن دكتور لدكتور وما حدش عارف عندو ايه بصتلى بدون موبالاه خرجنا وشايلين ابنى ومش عارفين نروح فين لا نيجى منين اتصلت على دكتور تبارك تانى وانا منهاره قلتلو يا دكتور الله يخليك اى مستشفى خااااااااااااص كويسه حتى يعرف ابنى عندو ايه قالى خلاص خديه وروحىوحده العناية المركز للدكتور محمود فايز رحنا على هناك على طول شافو ابنى الدكتور قالى لازم يدخل المستشفى ويتعلق له محاليل لانو دخل فى الجفاف على طول علقوله محاليل وكل شويه يحطو ابره جوة المحلول وكل ساعه يجى حد يكشف عليه وقالو لى لازم تحليل براز الله يكرمكم عملنا تحليل البراز وقالو النتيجه بكره ومنعو عنو الاكل بس محاليل عشان المعده ترتاح من الاستفراغ وقعدت يومين الحمد لله الحمد لله الحمد لله على كل حال فعلا اهتمام ورعايه ونظافة وفوق كل دا عرفو الحالة بالظبط طلع عندو نوع من انواع الديدان اعتقد اسمها انتماميبا نتيجه اكل حاجه مش نظيفه وفعلا قبل ما يمرض ب حوالى 5 ايام كنا فى رحله واكلنا بره الحمد لله على كل حال ابنى بدا يسترد صحتو الاستفراغ وقف والاسهال استمر معاه اسبوع والحمد لله خرجت بيه بعد يومين وكملنا علاج 15 يوم فى البيت وقالو لى تعالى حللى بعد اسبوعين اخد العلاج وووووحللت وطلع الحمد لله والشكر لله ما عندوش اى حاجه ومافيش اى اثر للديدان اللهم لك الحمد والشكر يا ارحم الراحمين
ربنا يحفظ اطفالنا من كل شر يارب ويبعد عنهم اى مكروه يارب وونخلى بالنا من اكل الشارع لان مش معروف معمول ازاى ربنا يرحمنا برحمتو يارب ويحمى اطفال المسلمين يارب
رد مع الاستدلال
كتبت بواسطة نور تقية
الروابط المفضلة