يااهل العلم والمعرفة.. الله يخليكم معاي خطوة بخطوة جاوبوني وعلموني

**شروق** · 20-03-2003, 02:15 AM

السلام عليكم ورحمة الله وبركاته
معليش اذا ثقلت عليكم بس ابي اسئل اسئلة كثيييييييييرة
عن التوقيع اكيد
بس قبل مااسئل بقول شيين
اول شي
نفسي بجد اتعلم واسوي توقيع لنفسي
ثاني شي
لما تشرحون لي وتجابوني على الاسئلة
تعاملوا على اساس اني ميح

*****
اول سؤال
اقدر استخدم برنامج الفرونت بيج علشان اسوي لي توقيع
اذا اقدر
البرنامج الي معاي هو تبع الوندز اكس بي الجديد
اظن اسمه كذا
الي يعرف معاي الله يخليكم كيف اسوي فيه
*****
الاسئلة الثانية تجي بعدين لما احصل على اجابة الاول

استنى ردودكم على احر من الجمر

**ايام** · 20-03-2003, 08:48 AM

الاخت شروق

الفرونت بيج لعمل صفحات على النت ومواقع لكن تواقيع صغيره مااعتقد ،،والله اعلم
التوقيع ممكن تستخدمين له برامج التصميم او معالجة الصور
مثل فوتو برش ،،او الفوتوشوب او السويتش او الفلاش ،،وغيرهم من البرامج ،،

وبرنامج الفوتو برش سهل تجدينه في اول المواضيع مثبت قد يفيدك .

وسلامتكم

**شروق** · 20-03-2003, 02:12 PM

تسلمييييييييييييين والله ياقلبي
طيب بما ان الفرونت بيج مايصلح
نجي لباقي الاسئلة

البرامج الي ذكرتيها اقدر اخزنها من المنتدى او موقعها على سي دي
واهم شي
كيف؟!!!!!!!
وشي ثاني كيف اقدر احذفها من الكمبيوتر بس طبعا مو من السي دي
اذا تعرفين حياتي
فهميني بالشرح الممل
مع مراعاة اني مييييييييييح في الانقلش والكمبيوتر

*****
باقي الاسءلة تجي بعدين

**ايام** · 20-03-2003, 03:39 PM

الاخت شروق

البرامج ممكن تخزنيها من الانترنت فيه كذا موقع خاص للبرامج ،،وبالمنتدى تجدين برنامج فوتو برش خاص للصور والكتابه عليها وهذا رابطه
تفضلي

وممكن تخزنيها على سي دي ،،ولكن حتى تشتغلي عليها لازم تخزنيها في الكمبيوتر ،،
وصعب انك تخزنيها وتلغيها بالجهاز كل ما بغيتي تشتغلي عليها ،،
مو عارفه هدفك من حذفها من الكمبيوتر ،،
اذا تقصدين الصور اللي راح تسويها ممكن تحذفيها من الجهاز طبعا ممكن ،، بسهوله
اذا بغيتي تلغي اي صورة عندك مثلا
اذهبي الى جهاز الكمبيوتر واختاري الدرايف اللي فيه الصورة سواء C اوD
المهم اللي عندك وبعدين دوري الملف اللي مخزنه فيه الصورة الى ان تجديها وضلليها واختاري قص او حذف وكذا تروح الى سلة المحذوفات ،،

وسلامتكم

**شروق** · 20-03-2003, 05:35 PM

تسلمين ياقلبي على وقتك بس بعد مازالا عندي اسئلة

بس بقولك ليش بحذفه
علشان اختك في الله الي هي انا
مسكت كمبيوتر زوجها الي صاير له عنده سنة ونص وهو زي الحلاوة
بس انا حطيت يدي فيه
وتعالي شوفي الي صار
مافي خراب ولا بلاء اتوجد او حتى مااتوجد
الا وصار في ذا الاب توب المسيكين

طبعا ذا شي خلى زوجي يطرطع مرة.. مرة .. مرة

فودي اتعلم واسوي لي توقيع
بعدين احذفه
علشان هو قال لي
اسمعي يامرة اللحين خربتي على المروحة وذي اخر مرة لك
لو عاد تخربينه احرمك منه للابد
لك الله يوم سمعتها طاح قلبي

وكانه صدى يتردد في الفراغ
عاد انا قلت خليها ثلاث
وزي مايقولون الثالثة ثابته
واللحين انا خايفة يصير شي في الكمبيوتر
وانحرم منه
اموووووووووووووووووووت
فهمتي معاناتي ياغالية
شوفي لي حل
ولك مني جزيل الشكر

**- asma -** · 21-03-2003, 06:20 AM

ميمو

جيبيلك لاب توب جديد وريحي نفســــــــــك

**ايام** · 21-03-2003, 08:34 AM

الاخت شروق

ابشري بسعدك ،، اذا ماتبين هالبرامج الا علشان تزينين لك توقيع بس ،،،
أنا أسويه لك ،،من غير ماتطيرين ويطير الجهاز ،،
بس ياريت تحددين لي ايش تبغي يكون في التوقيع
سواء الكتابه او المنظر والاسم ايهم اكتب لك ،
وهل تبينه فلاش متحرك او فوتوشوب عادي ،،
تدللي ،،،
وتكفين خلي جهازه له ،،، ماتعرفين الجهاز اهميته اش قد لصاحبه ،،انا لو احد يلمس جهازي قلبت لهم الدنيا ،،
لان عندي عليه شغل كثير واي خراب ممكن يطير هالشغل كله ،، فمن باب الحرص امنع احد يقربه ،،،
فأعذري زوجك بصراحه ،،،

وسلامتكم

**أمل وضياء** · 21-03-2003, 02:05 PM

شروق ... تفضلى أخيتى هنا ستجدين حلاً لمعاناتك

**شروق** · 21-03-2003, 03:09 PM

صدى حياتي
هو زوجي مو انا بيجيب له لاب توب جديد بس مو اللحين يقول
اذا قربنا نرجع للسعودية علشان يبي اخر شي في الكمبيوتارات
ويقول
باعطيك ذا كملي عليه الناقص

تسلمين ياقلبي
عطيتيني فكرة حلوة
اشتري لي واحد جديد

*****
ايام يابعد قلبي
تسلميييييييييييييين والله ماتقصرين
ادري انه الكمبيوتر مهم لزوجي
بس تدرين احيانا اشوف اشياء حلوة ودروس حلوة
تقوم نفسي تلهفني على اني اتعلمها
سواء في الوندز او التوقيع او ال او ال يعني كلش
طبعا زوجي يقول صبري الين نرجع السعودية وخذي دورة في الكمبيوتر
بس صبرت سنة وشوية
كانها كثيرة
ودي اتعلم كل شي
اللحين بعدماشفت المقنعةوالنجمة اللامعة وتواقيعهم الحلوةوالحركات
طنت في راسي من نطت فكرة اني اسوي توقيع
مرةثانية الف الف الف شكر
بالنسبة للتوقيع الله يسعدك ويخليك
الي يعجبك كل شي منك حلو
والله يعيني اصبر سنة

*****
شموسة الغالية
الف الف الف شكر
والله ينور لك طريقك يارب
قبلت الهديةمن احسن اخت
والله يعطيك العافية
يعني الحين صارعندي توقيعين

مين قدي
والاهم واحد من ايام الله يسعدها
وواحد من شموستنا الله يسعدها

**شروق** · 22-03-2003, 05:58 AM

اختي الغالية ليال .... اختي الغالية شموسة
ممكن وحدة فيكم تقول لي افضل برنامج فوتوشوب
يعني اسم البرنامج علشان اشتريه من امريكا
مدام بشريه من امريكا معناته انه انقلش صح
اقدر ادخل برنامج تعريب فيه اي في السي دي
مدري ليش بس احس ان السؤال غبي شويتين
خخخخخخخخخ
والله يعافيكم

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: يااهل العلم والمعرفة.. الله يخليكم معاي خطوة بخطوة جاوبوني وعلموني

أدوات الموضوع

العرض