*طبق متميز*طاجن التورلى باللحم عالطريقه المصريه من مطبخ نور الهدى بالخطوات المصوره
السلام عليكم ورحمه الله وبركاته
اخواتى الجميلات فى المنتدى وحشتونى وبقالى فتره منزلتش اكلات فى الركن هنا وانشغلت عنكن ورجعت بأكله مصريه جميله مغذيه رائعه
طاجن التورلى باللحم
اكله مليئه بالعناصر الغذائيه لأحتوائها عالخضروات واللحم
وسهله فى الاعداد جدا ومناسبه للعزومات
بسم الله نبدأ
المقادير
بما ان اسرتى صغيره
فاستخدمت فقط
نصف ك لحم بتلو (يفضل الموزه ولكن لم تتوافر لدى )
واى خضروات تحبيها
كوسه
جزر
باذنجان
فاصوليا خضراء
بسله
طماطم
بصل
ثوم
زنجبيل
فلفل اخضر
بطاطس
وارضى شوكى (خرشوف )
واى خضروات اخرى
ملح فلفل بهارات
وهنا الفاصوليا والبسله
الطريقه
بدايه بالنسبه للحم
قطعتها قطع متوسطه ولم اسلقها بل نقعتها فى ماء وخل لتطريتها وبعدها وضعتها هكذا فى طنجره
بدون ماء او اى شئ
وتركتها ربع ساعه تنزل ماؤها وبعدها شطفتها بماء نظيف ووضعتها مره اخرى فى الطاسه او الطنجره وقطعت علبها بصله كبيره وحبه طماطم وحبه فلفل قسمتها نصفان وورق لورا وحبهان
وبدأت اقلبها
وبعدها غطتها وتركتها حوالى ربع ساعه فقط
اثناء ذلك قمت بتقطيع الخضار
ودى شكل سكينه التقطيع لمن سألونى عنها
انتهيت من تقطيع الخضراوات وغسلها
وفى حله وضعت قطعه زبده وبصله وتوم وزنجبيل
فقط حوالى دقيقتان
وبدأت فى تشويح الخضار
ملحوظه
فى ناس بتحب تشو ح الخضار كله وتقلبه مع بعضه وفى ناس بتحب كل نوع على حدى (بدون بصل) حتى تضع الخضار فى الطاجن على هيئه طبقات كل طبقه نوع ولكن انا افضل وضعه كله مع بعضه
اضفت الجزر والبسله والفاصوليا اولا وشوحت حوالى خمس دقائق
وبعدها اضفت البطاطس وشوحت ثم الباذنجان والارضى شوكى
وبدأت اشوح واثناء ذلك تكون اللحمه نضجت ولكن بشكل غير كامل لاننا حنضع الطاجن فى الفرن
نضع اللحم فقط عالخضار ونقلب ونحتفظ بالصوص اللى نزل منه ونضف عليه ملعقتان معجون طماطم ونضع الملح والفلفل وكل التوابل اللى تفضليها
وبعدها نضع الخضار مع اللحم فى طاجن
ونضيف الصوص المبهر
ونغطى بورق قصدير وندخل الطاجن الفرن حوالى ساعه الا ربع
وبعدها ننزع الورق ونحمر الوجه
وهذا شكله بعد خروجه من الفرن والتزيين
ماشاء الله
على فكره فى ناس بتحب الخضار زى ماقلت طبقات وببنهم لحمه مفرومه انما الشائع هو قطع لحم وتفضل الموزه
ويقدم مع رز ابيض وسلطه انا عملت سلطه كابوتشى
وطريقتها على هذا الرابط
اتمنى تكون الوصفه نالت اعجابكن
اللهم ارزقنى بر ابنتى واجعلها من حفظه القران الكريم
اللهم امين
[
رد مع الاستدلال
الروابط المفضلة