بسم الله الرحمن الرحيم
السلام عليكم ورحمة الله وبركاته
امبارح طبختنا كانت قمة الصحة والطعامة
شوربة السبانخ والرز
طبعا فش لحمة لانه ايام زمان ما كانو يطبخو بلحمة وضلت لليوم الاكلة ماشية وزاكية
تعو نشوف كيف نطبخها
زيت زتووووووووووووووون بلدي
نقلي البصل
وبعدين شوية تومة................ويا سلام على ريحة التومة والبصل مع بعض بجننو
وبعدين البهارات..ملح وفلفل وبهار وسماااااق
نقليهم مع البصلة عشان البهارات بس تتقلى بتعطي طعم اكتر من لو حطيناها بالمية دغري
كاسة رز صغيرة
نقليها مع البصلات
وبس يتغلف الرز كويس بالزيت والصل نضيف السبانخ ....انا هذا كنت مفرزته قبل بيومين وطبعا لو سبانخ فريش احسن بكتير
نضيف المية
ونتركهم يغلو على نار هادية
لحتى يستوي الرز
وآخر شي قبل ما نطفي الغاز عصرة لموووووووووووووون
وصحة وهنا على قلوبكو
وهاي صحن تاني عشان تشربو وتدفو منيح
ومطرح ما يسري يمري يارب
وكل سنة وفلسطين بخير وسلامة
تحياتي واحتراماتي
الماسة
ام سهام واسيل
الروابط المفضلة