انا النهاردة هوريكم طريقة عمل الذبدة الفلاحي في البيت انا واحدة من الناس مش بحب القشطة اللي علي اللبن فبحوشها واشيلها في الفريزر وبطلعها اعملها بتبقي تحفة زي اللي بنشتريها تماااااااام
واللي علمني الطريقة دي امي الله يحفظها يارب
وانا صورت لكم خطواتها خطوة خطوة بالتصوير الممل عشان تستوعبو الفكرة
يارب تعجبكم
دي القشطة لما خرجت من الفريزر وهي مجمدة
تركتها تفك وتسيح مدة حتي تصبح بالشكل دة ومفيش فيها ثلج نهائي
ابدا ارب فيها او احركها في اتجاة واحد لحد ما احس انها بدات تسيح معايا اكثر
وبعدين اضيف رشة ملح بسيطة وابدا في اللف فيها بنفس الاتجاة
هتلاحظي انا تقلت في ايديكي وبقت ناشفة شوية
استمري في خفقها في اتجاة واحد لحد ما تبدا تفرول زي العجين
صورة.7 4.5.6
بعد ما تلاحظي انها فرولت هتلاحظي انها بدات تنزل ميا بسيطة
استمري في الخفق في اتجاة واحد
لا حظي المية بدات تكتر والذبدة اتجمعت علي بعض
استمري في الخفق
لحد ما تتكور في ايديكي وتبقي عاملة كدة
ودة الصورة بتاعتها وكانت تقريبا خلصت
بحفظها في كيس بلاستيك كويس
واتركها في الفريزر او الثلاجة لو هتستخدميها علي طول
ودة الشكل النهائي لها
وممكن بعد ثلاث ساعات لها في الثلاجة تطلعيها وتسيحيها وتبقي سمن بلدي علي اصولة
يارب الفكرة تكون عجبتكم وتجربوها
بجد موفرة جدا
وبتحافظ علي القشطة عشان مناكلهاش ونتخن
ومضمونة يعني ولا مغشوشة ولا مش نظيفة
اتمني تعجبكم
وعلي فكرة دي بتتعمل في تقريبا عشر دقايق متتخضوش من الصور الكتير
انا صورتها كدة عشان الفكرة توضح اكتر للي مش عارفة وتقدر تطبقها كويس
تقبلوا تحياتي
الروابط المفضلة