أفيدوني...ابني عنده اسهال

[om basel]

ابني عنده خمس شهور وكام يوم كده هو انا ابتديت ءأكله حاجات صغيرة كده
بس لما جاله اسهال بئالي يومين برضعه بس(هوبيرضع صناعي)
النهاردة اهو اليوم التالت ولسه عنده اسهال(هو بيعمل مرتين بس ولكن هي سايلة اوي)
فهل ده من الأكل ولسه تأثيره كل ده؟ ولا واخد برد في معدته؟
وايه ممكن يكون العلاج لان جوزي بيقولي مادام مش بيعمل كتير فميش مشكلة ومش عاوز نروح لدكتور
معلش طولت عليكم

[...القنوعه...]

أهلا أم باسل
الموز بيمسك المعدة و بعمل إمساك
أهرسي له موز مستوي على الأخيييييير ،،، أهرسيها منيح منيح منيح و أعطيه منها
ما يشوف شر ،،، و أكثري من السوائل حتى لا يصيبه جفاف لا سمح الله
ألف سلامة عليه

[om basel]

شكرا على ردك السريع لي
وجزاكي الله كل خير

[دلوعة زمانهاااا]

حبيبتي الزبادي كويس للاسهال
بس عطيه قليل الدسم كم ملعقه صغيره مو كثير
الف سلامه عليه

[om basel]

اشكرك يادلوعة زمانها
بس انا لسه مينفعش اديله زبادي
الزبادي من الشهر السابع
حجرب الموز ان شاء الله

[حمرة الورد]

كلام جوزك صحيح اذا ما يغير كتير يعني ماعنده اسهال ..

ممكن تعطبه رز مسلوق او حبوب الأطفال بالرز بس ما انصحك لأن الإمساك بلاء بصراحة .

[enno]

حبيبتى انا الدكتور قالى قبل كده اسهال الرضع بيبقى بعدد المرات اكتر من 5 مرات فى اليوم
من 5 ل 8 مرات
يعنى ان شاء الله متقلقيش
ممكن تسلقى تفاحه وتهرسيها دى كويسه لسنه وبتمسك البطن وممكن موزه بس بلاش زبادى انا مع ابنى الزبادى بيسهل اوى معرفش هو اصلا بيسهل ولا ايه بس انا ابنى لما بيبقى عنده امساك بديله زبادى
ودفيه كويس ممكن شوية برد بسيطين ولا حاجه وان شاء الله خير

[بنت مكه 1100]

البنات افادوك الحمدلله وكلامهم صحيح قدامهم العافيه

[om basel]

جزاكم الله كل خير وهو بئه احسن الحمدلله

[سَوَدة المسلمة]

البنات ما قصروا يا أم باسل بس كلامك صحيح وعايزة أؤكده وهو الزبادي ممنووووووووووووع لغاية لما يتم ابنك العام الأول وذلك لأنه بيئة مناسبة لنمو الميكروبات الضارة مثل "السل" والعياذ بالله
والحمد لله قائمة الأطعمة التي تصلح لطفلك كبيرة ما جتش على الزبادي ووقفت
اسهل شئ لو هو جعان ومش عارفة تلاحقي عليه اعطيه بسكوتة في يده يمصمص فيها او حتى يفتتها بس حيكون مبسوط انه بيأكل لوحده
أنا أحيانا اعطي احمد كمان نص فليفلة حمراء او خضراء كبيرة...صحيح لا حيعرف يأكلها ولا حاجة بس بتلهيه لحد لما احضر له طعامه وممكن خبز عربي كمان