كيفكم يا احلى صبايا و احلى بنات واحلى مشرفات
هاي اول موضوع انزله في الركن بعد مانور بالغاليات لنلونة و سوسنتي الرائعة ... واكيد الركن منور بوعود وحنونة وام ايموني بس هلا صار النور نورين... حياكم الله جميعا يا غاليات
اليوم حاقدم الكم طريقة عصير الطبقات و تزيينه بطريقة حلوة وجميلة
اول شي طريقة تزيين الكاسات متل ما انتو شايفين
بتجيبوا طبقين
طبق تحطوا فيه عصير مركز متل الفيمتو او التونو او السن كويك باي نكهة تحبوها و طبق تاني تحطوا فيه سكر عادي تقلبوا الكاسة في طبق العصير و بعدين في طبق السكر و بتعطيكم هادي النتيجة تفضلوا حبايبي
هلا نيجي لطرق اعداد عصير الطبقات
المقادير
فواكه مشكلة حسب المتوفر عندك
انا الي كان متوفر عندي جوافة و فراولة و كيوي و بس وممكن تستعملوا المانجا والموز واي فاكهة بتحبوها
الطريقة
تغسل الفواكه جيدا و تجفف
بالنسبة للجوافة تقطع وتضرب في الخلاط و اضيفي للخليط سكر حسب رغبتك وطبعا تصفى من البذور
انا كان عندي كمية من الجوافة فعصرتها وصفيتها من البذور و حطين نصفها في شاف لوحده والنصف التاني ضفت 3 ملاعق عصير تانج مانجا علشان احصل على اللون الاورانج و ياخذ طعم المانجا ولو كان عندك موز نفس الفكرة لانه لونهم فاتح بيتقبلوا اي لون
اهم شي في عصير الطبقات انه يكون الخليط جامد يعني يا دوب تضيفي ماء بارد بس ليمشي الخلاط علشان الطبقات ما تختلط مع بعض
يعني هلا صار عندك لونين بلون الجوافة الطبيعي و لون المانجا ... وكل واحد على حدة وبعد هيك اضربي الفراولة بقليل من الماء البارد جدا وقليل من السكر ولا تنسوا القوام يكون جامد و يوضع كل عصير في اناء لوحده
و بعد هيك الكيوي يقشر ويضرب ايضا ويوضع في اناء لوحده ايضا
هلا طريقة صب العصير بترتبي الطبقات حسب زوئك ومتل ما بتحب اسرتك انا اولادي كل واحد اختار موديل هههههههههههه
في هذا الكاس انا ما زينت اطرافه بالسكر لكن صبيت عصير فيمتو على اطراف الكاسة وبدات بوضع الطبقات شوي شوي وهاي اول شكل و ممكن تزيني الوجه حسب ما بدك ورغبتك بس نصيحة ما يكون عندك احد انا اولادي طفشوني لحد ما نسينا مصاصات العصير بعد ما زيناهم بشرائح الكيوي وكل واحد اخذ كاسته وما عاد الي خلق ارجع اصور من جديد ... الله يهديهم
اول موديل ههههههههه
وهاي تاني موديل هههههههههه هنا صبيت شوكلاتة هيرشي على الجوانب وزبنت فيها على الوجه
وهاي كمان موديل
وهاي الموديل الي زينا اطرافه بالسكر طبعا انا تركتها للاولاد مش عاوزين سعرات حرارية زايدة ما شاء الله شكل الكاسات رائع
وهنا بعصير السن كويك زينت اطرافها وطبعا مع السكر
وهاي كمان موديل اخر
وهاي اخر موديل هههههههههه
هنا الكاسات مجتمعة
وممكن تزينوا باي طريقة حلوة و لذيذة سواء بشرائح البرتقال او الليمون او الكيوي ووممكن اوراق النعناع او بالكريمة او الايس كريم
بس هذا كان كوكتيل على السريع ان شاءالله يكون عجبكم
وانا سيق قدمت كوكتيل اخر وبفواكه تانية و ممكن تشوفوه علشان يعطيكم افكار وهاي رابطه تفضلوا
ودمتم جميعا بالف خير
ولا تنسوني من دعواتكم الحلوة
الروابط المفضلة