السلام عليكم ورحمة الله وبركاته
تعالوا سلم وخياتي هني .. وهما شكلهم وين يشبحوا كلمة هدرذه وهات يااغلاق للموضوع موش عارفه شن قصتهم خايفين نكملولهم الصفاحي...هيا تفضلوا ,باليمين خشوا .
للبحث في شبكة لكِ النسائية:
|
السلام عليكم ورحمة الله وبركاته
تعالوا سلم وخياتي هني .. وهما شكلهم وين يشبحوا كلمة هدرذه وهات يااغلاق للموضوع موش عارفه شن قصتهم خايفين نكملولهم الصفاحي...هيا تفضلوا ,باليمين خشوا .
صباح الخير بنيااااااااااااتي
والله ما نسحاب بتسهرو سهرية حنة كبيرة للفجر ما شاء الله عليكم
كان هذا راه قعمزت معاكم ودرنا سندوتشات تن وفطرنا على فطيرة بالعسل
صح المنتدى بيسكرها علينا قريب ههههههههههه تمينا صفحاته هههههههههه
والحق مستحيل حنقدر نقرا كل اللي صار امس عيوني في حويلة من البردة يدمعو دموع ناااااااااار ويحرقووووووووووووووووووووو
وربي يخلي كل بنياتي اللي سؤلي عليا وان شاء الله حنتخطاها وتمشي ونرجعو لنفس النشاط
اليوم ماما خاطرها في شعيرية بالخلطة واني نعول عليها ليه ليه
توة نرجع شوي ثاني
.. { إِنَّ رَبَّكَ لَبِالْمِرْصَادِ }..
صباح الخير ياحلوات
ام عرفه كيف حالك وصحيتى علي الاستقبال بس ياريتك درتى نفس العنوان باش مانتهوش لاكن حتى هادا حلو اللمة والشاهى واللوز ليها علاقه بي ليبيا بسسسس وحدة عنصرية
لولو يا بعد شبدى ان شاء الله لاباس عليك نبي منها الشعيرية راهو حصتى زي العادة نبيها
اللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
السلام عليكم يا غزيلات
كيف حالكم اليوم انتم ومولى بيتكم وضرريتكم هههههه
ماشاءالله ... الله يبارك صدقت ماما ألاء سهرية مقومة مابين يوم وليلة وصلتوا للتاسعة
ماشاءالله عليكم ... بالله شن حال روسكم من السهرية مدروخين راهو والنوم ضاربكم ؟
صحيتي يا ام عرفة على فتح الدويرة وان شاءالله عتبة خير
فكرتيني ب ( يا مبروك عليها الدار ... ان شاءالله تعبيها بصغار ) هههههه
ام السنفور ... كيف حالك يا حبيبة وكيف حال السنفور وباب سنفور ان شاءالله بخير
ماما أللو ... صبحها بالخير والهني ... هدا باش ما ردتيتيش عليا على الخاص
مشغولة بالشعيرية ... صحة صحة غير وكان تحسبونا في أفيم باهي هههه
يا قنينهم يا قنينهم يا قنينهم
ام السنفور كيف حالك تي وينك امس لين ارقدت وانتي مختفية
الحق حتى اني عنصرية هلبة هههههههههه
الفالحة عطيك الهني والراحة اكيد جماعة السهرية راسهم مكفوخ
واني توة كيف ضفيت على الشعرية بس مازال ما خلطتهاش كان هذا راه جبت ليكم افيهم
لا وصار افلام هكي كبرها وعمرك الغاز اطربق قريب امشينا فيها بس ماما مصلي على النبي عليها ديما تلحق في الاوقات الحرجة ونحت البونبة جري والحمد لله ربي لطف فينا
وحتى لو الغاز اطربق وفسد لازم انديرو غدي وفي الاخر نزلت لمطبخ لوطة وجبت ليكم هذي الصورة
الحق هو صح الشمس زارقة والصور مش واضحة بس منظر البخار عجبني قلت خلي يتفرجو معاي بياتي ويحسو بجو ليبيا ويسمعو صوت العصافير اللي معبين الداليا
ودرت بطاطا مشوية بالاعشاب في الكوشة اني نحبها هلبة وجت تهبل اهي كيف طالعة من الكوشة والشمس زارقة فيها
والسلاطة المشوية فوق النار ومازال نفترش الدجاج ونقليه مع شوية بصل ونخلط الشعيرية بيه هو والزبيب واللوز
وتوة نجيكم شوية ثانية بنرحي السلاطة توة اهي نشوت ويا سلام عليها ههههههههه
.. { إِنَّ رَبَّكَ لَبِالْمِرْصَادِ }..
بالله تعالو شوفو اختراعاتي واحكموووو
اوراق المعمول بالتمر والسلك
المقادير:
العجين:
نصف كوب زبدة رخوة
نصف كوب ماء عطر او ماء زهر او ماء ورد كما متوفر لديك
ربع كوب سمسم محمص
اربع اوراق سلك
ملعقة صغيرة بكمبودر
دقيق للعجن
الحشو:
كوب تمر
ملعقة كبيرة سمسم محمص
ربع كوب لوز محمص
التغليف: عسل او قطر
الطريقة:
نضع اوراق السلك في البلندر مع ماء العطر او الزهر ونفرهم جيداً ثم نصفيهم وناخذ الماء نستعمله في العجين ومفروم الاوراق نضعهم جانبا للحشو
نقوم بعجن العجين بوضع الزبدة والماء المستخرج من اوراق السلك والبكمبودر والسمسم ونعجنهم بالدقيق حتى نحصل على عجين متماسك
نقوم باعداد الحشو بوضع التمر والسمسم واللوز والسلك المفروم في البلندر حتى نحصل على عجين املس
ناخذ كورة من العجين ونمدها على اليد لتكون دائرة صغيرة
نضع القليل من الحشو في العجين
ونغلقه مثل المعمول
ثم نقوم بنقشه حتى يعطي شكل الورقة
وهكذا حتى نكمل كل مقدار العجين
نضعه في فرن على حرارة 180 درجة لمدة نصف ساعة حتى ينضج ويحمر
ثم نقوم بوضعه في العسل او القطر وهو ساخن
نضعه في صينية التقديم ونزينه بالسمسم المحمص
وكما نلاحظ انه بلون اخضر زاهي يلفت الانظار
وصدقوني نكهة الخضار مش مبينة نهائي فيه ولا ماثرة في الطعم
وصحتين وعافية على قلوبكم
نزلتها في مسابقة حلويات وحميات باعتبار طلبو اكلات للاطفال فيها خضرة وفايدة
.. { إِنَّ رَبَّكَ لَبِالْمِرْصَادِ }..
السلام عليكم و حرمة الله و باركاته
شن هالظلم يابنات كل ما انول حاجة يسكروا الدار واع واع واع
مصرة اصرار ننقللكم اللي كتبته الصبح غادي
صباح الخير على الحلوات المنورات الهدرزة
كيف حالكم اليوم ان شاء الله صحيحين و بخير
كيف حال حمودي بنت بلادي اليوم ان شاء الله بخير و احسن من امبارح
و الآء كيف حالك من البردة عيوني اليوم ان شاء الله نقزتيها رغم انها بتاخد وقتها ربي يعينك
روني الحلوة و سودلهدب و لايت دريمز و باقي البنات ماشاء الله منورات الهدرزة
ام عرفة ياالف مرحبة يالغالية كيف حالك
ksa بارك الله فيك اختي و جعله الله في ميزان حسناتك
الورد و الياسمين بارك اله فيك على القصة الرائعة
و توة جينا للجديات شوفوا هالتطبيق و قولوا لوصفة منو هههههههههههههههههه
تلقوه على هالرابط
http://www.lakii.com/vb/showthread.php?t=494472
ام السنفور كيف حالك خيرك غيبتي علينا
ام جنى كيف حالك و حال الامورة
ام منير شكلك اعتزلتي الهدرزة ان شاء الله خير قلبي انشغل عليك
جنان تسجيل غياب خيرك ماعادش شفناك عييت و اني اندق عليك بالماسنجر لين اتحشمت علي وجهي و سكرت هههههههههه
الفالحة عاد راحات جمعة و سبت يالا تعالي غدوة هدرزي معانا
النائية مش عارفة شن اخر هالغياب
ام طلحة كيف حالك ياحبيبة طمنينا عليك و علي صغويرتك
رواد ياريت اطمنينا علي بنيتك البال مشغول و القلب معاك يالغاليةياسمين حياتي كيف حالك وينك ماعادش باينة
مريم وين خشيتي مرة و هربتي تعالي هدرزي
ام المنذر لالالالا شن قصتكم اتخشوا غير اتعلقوا في القلب و تهربوا
نانا عاد توة الحمد لله الجو فضالك وينك ماعادش لاهية بينا
بنوتة لبنان كيفك ياعسل وين هالغيبة
roneg شن ماصارلكش من الهدرزة معانا تعالي و انتي تقري و تهربي ههههه
ام ياسمين وينك خيرك غطستي علينا ان شاء الله خير
وزي اللي قريت علي البسيمة شوفوا طريقتي فيها و ان شاء الله تعجبكم منزلتها من فترة و الصور اختفوا لكن نزلتلكم صورة هني على الماشي ههههههه لفتح الشهية
على فكرة طعمتها جنان و حتى اروى طبقتها اكثر من مرة و هبلت عليها
http://www.lakii.com/vb/showthread.p...C8%D3%ED%E3%C9
ام عرفةهدي طريقتي في كيكة الكراميل بصراحة روعة و خاصة طعم الليمون جنان
http://www.lakii.com/vb/showthread.p...3%ED%E1&page=3
بالنسبة لمخدة الباشا بعد القلي زينييها بشرايط الجبنة و حطي الزيتون و حطيها بالفرن باش اتسيح و يلصق الزيتون عليهااختى حنان بالنسبه لمخدة الياشا بعد القلي تزينيها وتحطيها شوي في الكوشه ولا كيف ؟
حناااااااااااااااان..خطرها ملفك متاع الحلويات غالبية الصور مفيش يريت بس تنزلينا زمالة القاضي نبي نفهمها كيف ..........................
و بالنسبة لملف الحلويات اتصدقي اني من الصبح انجهز فيه ان شاء الله حنزله قريبا انتظروني مفاجاءة الموسم هههههههههههههههه
السلام عليكم و رحمة الله و بركاته
كيف حالكم يا بنات جميعا .. نفرة نفرة و بدون تحديد اسماء تلافيا للزعل
ما شاء الله لا قوة الا بالله .. بين امس و اليوم كملتوا 2 و بيتوا فى 3 .
يعطيكم الصحة و خلاص . .. مش هدرازات بكل شوركم
اراهو قلت ما شاء الله مش تقولوا اخدتنا رواد بالعين
يا غاليات .. مشكورات جدا على السؤال
و انى حبيت انطمنكم ان بنتى (و الحمد لله و المنه ) دارت العملية و حالها باهى .. و ليها تقريبا ساعتين كيف روح بها بوها من المستشفى .
الحمد لله الذى بنعمته تتم الصالحات
جزاكم الله خيرا على دعواتكم و وقفتكم معاى.. ان شاء الله ما نفقدكم و ان شاء الله ما تشوفوا سو ..
حبيباتى .. معليس بنقول كلمة للبنات الجدد ممكن بعضهم ما يعرفوش
و لا بأس من التذكير
ما تعترضوش على اقفال الهدرزات .. لان هذا قانون عام للدردشة .. حددوه بعدد معين من الردود و الصفحات ..
ممكن مرات تزيد او تنقص .. الا انها فى نفس الرينج.
حتى يسهل على المتابعات تتبع سير الدردشة و بالتالى حفظ للجميع ..
لان مرات يتدخلوا رجال او عضوة جديدة تحط رابط هكى و الا هكى فيصبح الامر ساهل تتبعه ..
و احنى بدورنا كان لاحظنا اى شئ من هذا يجب علينا ان نبلغوا بالايقونة اللى فوق >>>> .
لان ما شاء الله عدد الدردشات فى تزايد و المشرفات و المتابعات على كثرتهم مش قادرين يغطوا على كل شئ.
و سامحونى عالكلام هذا و ان شاء الله ما فيش حد يتحسس منه .. اهو توضيح و خلاص .
حبيبات ..مرة تانية .. زمان اتفقنا ان نخلوا كل موضوع يبدأ بكلمة هدرزة ليبية ..
و بعدين تبوا تتبعوه بكلمة تانية مش مهم .. الا ان بداية اسم الموضوع يبدا بها ..
باش يسهل العثور عليه ..(قدروا حالتنا احنى المستعجلين ديما )
اضافة لان بعض الاخوات المنتسبات الجدد ممكن سهل ان يتعرفوا عليها ..
و ايضا سهل العثور على كل مواضيع الهدرزة امتى اديرى بحث .
الطريف فى الامر .. ان المدة الماضية ارسلى احد الاخوة الليبين رسالة عالخاص و طلب منى الانضمام لمنتدى جديد .. و قاللى انه دار بحث فى الجوجل ..
و طلعله اسم هدرزتنا القديمة و اقترح عليا نشترك فى المنتدى . ...
شفتوا كيف الهدرزة خشت التاريخ .
على اى حال انى خشيت بنطمنكم على بنتى شوى فتحت هدراز .. مش هدرازة بكل حتى انى ... .
حبوبات ان شاء الله نتم شغل البيت و اندير الغدى و كان حصلت فضوة مع اول الليل توا نخش نهدرز و نديروا سهرية ... ام المنذر اهو قلت علناً .. و قد أعذر من أنذر ...
السلام عليكم توا
السلام عليكم انى جيتكم يام عرفه وكيف حال اوخياتى كلكم بلا استثناء
ام السنفور كيف جوك ان شاء الله تمام وانى حكيتلك عالحلم فىالهدرزه التامنه يعنى فى حويشك
الاء يالولى لاباس عليك والله منظر الشمس يحسسك بليبيا ودوقينا من الشعريه كالعاده لكن مش مريضه هدى لفلاحه والا بلاش لكن شورك من النوع الىمايعرفش يقعمز
رونى صحيتى عالكيكه الشطرنج وفكرتك نحسها احسن منا متع اسامه وتوا انجربها
سود الهداب صحيتى عالبسبوسه والله تعقدت منها لكن توا انشوف طريقتك والا طرق وحده من البنات
بنت بلادى لاباس عالوليدك وكيفه توا ومشكوره انك رديتى عليا ايه انى فى بريطانيا
حنان صحيتى ياحنه عالسؤال والصور مش عاديات خاصه البحر هو بحر والا نسيناه راهو هههه وشنو الحاجات النويزكه ربي ايبارك ونحساب روحى نعرف نطيب
لولو الحبوبة
ماشاء الله خش السلق في الحلويات والله فكرة صح لاكن مشكلتى مانقتنعش لين انضوق كخخخخ
والحمد لله علي السلامة وماشاء الله الجنان يسفه ويجي في الخاطر تقعميزة فيه وشاهي الهدرزة الجاية نبوها غادى على قولتك مع صوت العصافير ونستنى في الشعيريه راهو
انى امس حطيت رد في الاخير في نهاية الهدرزة لانى ماكنتش فاضيه زعميتك نقرا ونحفط ادعيلي وربي يعطيك كل الخير
حنونتى الغالية
غبت نقيس في غلاي هههههههههه
لا والله غير تعرفي عندى تراكم قرايه ونبي نقرا ونحفظ ونجهز روحى للاختبارات الاسبوع الجاي
على فكرة انى لما قلتلكم ان حطونى مع الابله متاعى متاع الكورس اللي فات هى توا زميلتى يعنى سعري بسعرها حتى هى تقرا زينا زيها فهمتى
غير ادعيلى يا غاليه وربي يعطيك كل الخير
تعرفي اكلاتك يجننو والبسيمة خاطري فيها هلبه توا ابعتيلي منها مادخلنيش فيك وشفت صور بحر يهبل والله عاشت ليبيا وعاش البحر متاعها
رواد
الحمد لله علي سلامة بنتك وان شاء الله ماتشوف الشر
صار خشت التاريخ كلمة الهدرزة واحنى حتى احنى ههههه كويس والله
ياسمين حياتى
شفتها الحلمة في حاجات صح وحاجات لالا لاكن ليا الشرف انك تحلمى بيا
صار نحكيلك علي الماستر وننصح فيك تى غير انلايم قرايتى وبعدين ننصح نحس في روحى مش قدها والله يستر الله خايفه غير ادعيلي وربي يفتحها عليك
اللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
الروابط المفضلة