ساعدونى فى تصميم مطبخي
السلام عليكم ورحمة الله وبركاته
دى اول مشاركة ليا فى المنتدي الرائع دا ..انا على طول متابعة مواضيع المنتدي وخصوصا الديكور لانى طالبة فى قسم ديكور بكلية الفنون الجميلة ..اتمنى انكو تساعدونى يا اعضاء احلى منتدي
انا حتجوز قريب ان شاء الله و حاليا بعمل تصميم المطبخ فى شقتي المستقبلية ان شاء الله
محتاجة انكم تفيدونى بخبراتكم وتجاوبونى على اسئلتي :
اولا المطبخ مساحته 3.10 طول * 2.25 عرض يعني المساحة مش كبيرة اوى
هل انا محكومة بألوان معينة , يعني انا مثلا نفسي اعمل مطبخى من الخشب الغامق اللون لانى بحب اللون دا جدا ,,هل ياترى اللون دا حيضيقلي مساحة المطبخ ولا لا؟؟
وبالنسبة لمساحة المطبخ المستطيلة كيف استغلها الاستغلال الامثل بدون ان اضيق المساحة و احس ان المطبخ مخنوق
يعني مثلا انا فكرت عشان مخليش المساح تضيق عليا انه يكون ديزاين المطبخ على شكل حرف L لكن اكتشفت ان الارفف والخزائن مش حتكفي ابدا للتخزين فبالتالى انا مضطرة لتعديل الديزاين الى شكل حرف U
هل انا ماشية فى الطريق السليم فى تصميمي للمطبخ ؟؟
اتمنى انى استفيد منكم واتمنى تساعدونى فى اول مشروع ليا على ارض الواقع..وجزاكم الله خيرا
رد مع الاستدلال
الروابط المفضلة