احلى صباح ومسا لاحلى أعضاء ومشرفات بأحلى منتدى
كيفكم كلكم وكيف رمضان عامل معكم
الحمد الله هل الشهر مر خفيف لذيذ
الله يتقبل منا يا رب ...
امبارح عملت بيتزا وزعتر وزيت وأخدت مقدار العجينة من الغالية تغريد2007 أم انس ... خالتو توتو حبيبة قلبي
وءلتلي جربيها وادعيلي
وعن جد جربتها وطلعت بتشهي وهشة ولذيذة ودعتلها اتجيب بنت بتشبهني هههههههههههههههههههه
مقادير العجينة :
3 كاس طحين
2 بيضة
ثلاث أرباع كاس زيت مخلوط ... زيت مازولا مع زيت زيتون
رشة ملح
1 م ك سكر
4 م ك حليب بودرة
2 م ص خميرة
تعجن كل المقادير وتترك العجينة ترتاح بعد التشكيل ...
بصراحه كنت خايفة ايكون للعجينة ريحة البيض بس بصراحه ابدا ما طلعلها ريحة بالمرا
يسلمو توتو على هل الوصفة
جربوها عن جد رح تعجبكم
هاي صواني البيتزا على السفرة
طبعا ما كترت جبنة عشان زوجي ما بحبها كتير على البيتزا
وهي فطاير الزعتر
هاي البتزا على طريقة بنت حماي الي جاي من الجزائر
بنضع فوق صوص البيتزا و الجبنة نرش القليل من البقدونس ... المعدنوس على ءولتها ... ههههههههه وبعدين طبقة عجينة اخرى يعني متل الساندويش
وبصراحه طلعت رهيبة
هون مع الصوص والجبنة والبقدونس
هون ضفت الطبقة التانية من العجين وخبزتها
وهاي اول قطعة لاول رد
صحتين يا رب
وكل عام وانتم بخير
الروابط المفضلة