بنات الرياض ممكن مساعدة....لو سمحتوا

**السنافية5563** · 24-11-2002, 07:47 PM

يا هلا والله بالنشميات والسنعات الحبيبات اللي تفضلوا علي ودخلوااااااااااا

انا عندي طلب صغير....ابغى آخذ رايكم في محل تاريم اللي في العليا ...وش رايكم فيه وفي اسعار الغرف عندهم ؟؟؟ لان ناوية اسوي غرفة لبنتي اللي عمرها 4سنوات......
واللي تعرف الله يعافيها ويخليها لعين ترجيها....محلات لغرف الاطفال تكون غرف حلوة ومميزة وماتكون غالية ....سعرها يكون متوسط.....(طرار ويتشرط)..وحتى اللي تعرف نجارين كويسين تقولي الله لا يهينهااااااااااااااا.......................
ومشكورات ياعزيزاتي مقدمااااا

**السنافية5563** · 25-11-2002, 02:03 AM

وش دعوى يا اخوات توني قايلة نشميات وسنعات.... بس ماراح ايأس
وابنتظر ردودكم انشاءالله.............................

**الـرايقة** · 25-11-2002, 04:11 AM

هلا والله بالسنافية

توني داخلة الركن ، وسمعتك تصوتين ......قلت خلن ألحق عليها

المهم وناأختك ، عن تجربة شخصية
سويت عندهم غرفة بناتي(( سريرين ، كمودينة وحدة ، مكتب واحد ، شفونيرة )) وبس
بــ 5500 ريال هذا بعد الواسطة

لكن ماأنصحك فيها ، صح شغلهم مضبوط ، لكن الألوان تروح ....
بنتي الصغيرة لونت بالمناكير على مكتب إختها ، ومن سنع الكبيرة راحت جابت
مزيل المناكير ومسحته ، راح المناكير وراحت البوووووية بدل اللون الخمري صار بقعة
بيضاااااااااااء

أنصحك إنك تخلين الغرفة بسيطة وناعمة ولون واحد .... وتلعبين بألوان الحائط
وإكسسوارات الغرفة واللحف والستاره .......نصيحة أخت
لآني أشوف إنها هي ألي تغير كثير من الغرفة .......
والمناجر ......فيه كثير ممتازين ، لكن مايحضرين أحد معين الحين
وسلامتك ....

ماصار رأي ......

**السنافية5563** · 26-11-2002, 07:16 PM

ياهلا وغلا بالرايقة الله يعطيك العافية ...وما قصرتي يا عيوني ....
وانشاءالله راح امر على محل تاريم واشوف الافكار عندهم ...وصراحة انا حابه اسوي لونها
ابيض سادة ..وفيها حركات مثل ورود ملونة.. موف.. وردي.. ليموني.. سماوي ..برتقالي.
مع ان بنتي الله يصلحه مصره على اللون الموف او الودي...ونا احس ان اللون الفوشي الداكن لون جديد وانا شفت نماذج في ايكيا..لون فوشي مع اخضر تفاحي...وعجبتني الالوان لكن ما اعجبتني التصاميم......
عموما الله يسلم عمرك ويخليلك العصفورتين الحلوات ويصلحهن يارب ...بس عندي
سؤال وشي الشوفنيرة؟؟

ومشكورررررررة

**Lonly** · 27-11-2002, 05:21 AM

اهلا بالسنافيه اي اقتراح تبينه ابشري
وللعلم ترى موجود محلاتارخص وعملمهم رائع
ويتفننون بالعمل والديكور باشياء رخيصه
ومايطلبون كثير واذا ودك بافكار من عندي ولا يهمك

**السنافية5563** · 27-11-2002, 05:42 PM

مررررحبا بالغالية lonly وما تقصرين عيوني وما نستغني عن افكارك

واذا ممكن ولا عليك امر تعطين فكرة عن المحلات اللي تقولين عنه

وعن اسعارهم
تقريبا ..والتصاميم عندهم

وموقعهم بالضبط.....ووش رايك بالنسبة للالوان...
ودمتي عزيزتي

**شمالية غربية** · 27-11-2002, 07:27 PM

اختي السنافية ان مو من اهل الرياض لكن من زوااااااارها

بالنسبة لمحلات تاريم :واحد قريب لي راح لهم , لكن لقى اسعارهم غالية , وغرفهم مافيها تميز ,يعني ماتستاهل السعر, علشان كذا اشترى غرف لأطفاله من عند مفروشات العامر , اللي عندكم بالرياض , واعتقد من مفروشات العبداللطيف ..

**السنافية5563** · 30-11-2002, 04:17 AM

اهلين اختي شمالية غربية

ومشكوررررة على هالمعلومة
والله يسلم عمرك بعد العيد راح امر على عدد من المحلات...بحول اللي ما تنام عينه
ومشكورررررررررررة عيوني

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: بنات الرياض ممكن مساعدة....لو سمحتوا

أدوات الموضوع

العرض