خلونا نتخيل اننا اخوات وعايشين في بيت واحد 00

[بارعه]

خلونا نتخيل اننا اخوات وعايشين في بيت واحد 00

حبايبي 00 ايش رايكم 00 نخلي هذا المنتدى هو بيتنا ونتخيل اننا عايشين فيه 00 وراح نشوف الأحداث والمواقف الطريفه اللي راح تحصل فيه ارجوا انكم تتفاعلون 00 وصدقوني راح تستانسون 00 وراح ابدأانا اول واحد



كراميل 00 كرملالالالالالالاوينك 00يابردك ياوسع صدرك صادق اللي قايل انك دلخه

ترى ذبحني الجوع 00 ما صار هذا عشاء 00 بسرعه





على فكره عجبني الموضوع ونقلته لكم هاه سنعه ولا لا

[om aziz 40]

يا هلا أختي *بروعة*:
والله إنك فعلاً بارعة في مواضيعك،وكلامك صحيح،لما أدخل على الموقع
إني أحس فعلاً في مكان ثاني ومع بنات مثل الأخوات في ردودهم ومواضيعهم
الحلوة والمفيدة، لدرجة إني ما أحس بدوشة عيالي وهم يحوسون جنبي.
بس لو كنا في بيت واحد إنشاء الله تكون علاقتنا طيبة،للأني أشوف نفسي
عندي أخوات كثيرات والحمدلله على قلب واحد، حتىإني لما أرجع لبيتي
بعد ما أجتمع معاهم صوتي يكون مبحوح من كثر السوالف والمزح،
والله يابروعة إني أتمنى تزيد الألفة والمحبة معاك ومع أخواتي في
المنتدى. [وسامحيني إذا ثقلت عليك بالثرثرة]


{اللهم بلغ أخواتي في المنتدى رمضان’
وجنبهن كيد الشيطان،
و أرزقهن يوم لقائك أعلى الجنان}

[ماء القمر]

انا يوم قلت لامي تخيلي

قالت الله يكون بعون امكم وابوكم عليكم



والله من الخساير



على فكره موضوع حلو

[بارعه]

ابغى منكن كل وحده تامر اختها اوتهاوشها اوتعايرها كننا في بيت واحد

ابدا مره ثانيه

قطووووووووووف تقول امي تنزل تكنس الحوش يبي يجوننا العلي

سمخ ردي
قطووووووووف

قطووووووووووف

[المرحة]

واااااااوياسلام تخيلي والله من الوناساااااااااااااااااااة

كان مانروح ولا نجي مكتفين كل وحدة توسع صدر الثانية

اقول بارعة تعالي الله يعافيك تعالي حطي الحناء بشعري خخخخخخخخخخخخ

لاني متعقدة منه ابغا احد يحنيني وطوالي جا على بالي .
واترك بقية الاشغال على خواتي يازينها خواتي ههههههههههههههههه

[بارعه]

مالقيتي الا انا خلي رغد تحنيك تموت على بربست الحناء

وبعدين هي دايم تحني امي رقيه بس شينته انه ماتعرف تجدل

[فراشه]

مرحبا يا اخت بارعه ، على فكره يا بارعه انا فعلا لما ادخل المنتدي اتخيل ان احنا قاعدين مع بعض . والله فكره حلوووه لو كلنا عايشن في بيت واحد صارنا اولاد عائله الحج متولي هههههههههههههههه من كثرنا الله يزيد وبارك ويكثر عدد الخوات يا رب .

[om aziz 40]

ولا يهمك يا مرحة:
أنا اللي راح أحطلك الحنة، وأريحك.
بارعة..............!
هذي أنتي من أولتها، شلون لو كنا ساكنين في بيت واحد،

[فتون الحلوة]

وحده مغمصة طالعه من غرفتها وشعرها كاش ومعصبه خخخخخخخخخخ

يووووووووووووووه

وش هالرجه ماتسكتون

ليش الازعاج الوحدة ماتعرف تنام في ذا البيت <<<<<<<<<وحده تحب النوم

[ماء القمر]

مو كافي من الصبح نايمه


شوفي عيونك وارمه بتفقع من النوم حرااااام عليك

والله يخليك عدلي شعرك خرعتيني