هل النقوط من حق الزوج ام الزوجة

[selbil]

اخواتى الكرام اود ان اطرح عليكم موضوه مهم لدى كثييير من الازواج
وهو النقوط
عندما تتزوجين وياتى الكثيير من الاصدقاء والاهل لكى يباركو ويعطو الزوجة النقوط
هل تعطيها لزوجك على اعتبار انة هو الذى سيرد النقطة ام تاخذينها انتى وهو ايضا اللى ملزم يسد
على اعتبار انة مسؤل يجيبلك طلبات البيبى والبيت
فعند الولادة ايضا من ياخذ النقطة هل الزوج بياخد نقوط الاطفال على اعتبار انة هيسد حتى لو كان الاب والام
اى حما وحمات الزوجة هم اللى منقطين ام الزوجة لكى تشترى التزامات البيبى اللى هو ملزم يجيبها بردة
اعذرونى على الطريقة اللى انا بعرض بيها الموضوع
فانا اول مرة اكتب فى منتديات
شكرا لكم

[mh_ssein]

اعتقد ان الموضوع بيمشي كده ودي... يعني انا و زوجي لما تزوجنا لمينا فلوس النقوط كلها اللي اخدتها او اخدها هو و كنا بنشيلهم في درج بعد ما نكتب مين ادانا ايه علشان نبقى عارفين و بعدين نزلنا اشترينا بيهم حاجات كانت ناقصه في البيت... بس بعد ما ولدت اخدت النقوط كله لان انا اللي تعبت في الولاده مش هو ههههههههههههههه!!!!

[أم صبــــــــا]

النقوط إلي بتجيني أنا معناها ليا وإلي بتيجي لزوجي معناها لزوجي والموضوع يمشي بالتفاهم ..

أما نقوط الولادة فهي ليا طبعاً زي ما قالت الأخت ولو أنا حابة أعطيها لزوجي أو نحطها في البنك لطفلنا فبرضو كويس كل شئ بالمفاهمة حلو ..

[sondos2010]

اختى الغالية
هذا الموضوع يختلف من شخص لاخر

فهناك من يترك النقودالتى تاتى للزوجة لهاتتصرف بها كما تشاء
انا عن نفسى زوجى اشترى لى بالنقود ذهب
وتكفل هو بردها كلما اتت مناسبة تخص من قام بدفع النقوط لى
وهناك من ياخذ النقودمن زوجته بحجة انه من يقوم بتسديدها
فكما قلت هذا يرجع لطبيعة وشخصية الزوج وكذلك الظروف المحيطة بهما
فمثلا ان كان ينقصهما شى فى المنزل قد يقوما بشرائه بتلك النقود
وكل هذا ياتى بالتراضى اولا واخيرا بين الطرفين
ويجب الا يكون سببا فى وقوع اىخلاف بين الزوجين

[egyfairy]

نقوط الجواز جبنا بيها حاجات ناقصه في الشقه و اتفسحنا بيها .. اما نقوط الولاده انا خت جزء و هو خد جزء بس انا اكتر شويه

[om mohmmad]

دى حاجه وديه
انا اول الزواج نزلنا جبنا بيهم حاجات ناقصة
لكن بعد كدة ال بيجيلى وال بيجيلى باخدهم انا
انا ادرى ايه ال ناقص طبعا
ههههه
بس بالتراضى
لان فى رجاله بتصمم تاخد النقوط ويقولك امال انت ال هترديها؟
وفعلا
لانك لازم تردى لكل واحد نقطك

[الزهرة الفارسية]

حبيبتي ده من حقك انت و البيبي
لكن اذا زوجك محتاج هنياله

[selbil]

شكرا لكم وعلى مشاركاتكم لى
اين باقى العضوات
منتظرة راى نور الهدى ولمسة حنان والاخرييييين

[selbil]

انا اقصد بالتحديد نقوط الولادة للزوجة من حماها وحماتها مين ياخذة

[ghada_osama]

مفيش فرق بين الزوجين يعنى الزوجة تشوف اذا الزوج محتاج هذه النقود خلاص بياخدها ولو هيا ناقصها حاجة تقدر تقوله انا عملت كده زوجى وانا واحد وأغلب الاحيان بيتجاب حاجات للبيت ناقصة بتسعدنى اصل لو الزوج اخد النقود يعنى هيصرفها فى ايه غير البيت وانت واولادك ؟ ولا انت تقصدى بيأخدها غصب ؟؟؟؟