السلام عليكم ورحمة الله وبركاته
أنا عضوه جديد معاكم في المنتدى ياريت تقبلوني بينكم
في الحقيقه أنا شعري بيتساقط بكميات كبيره جدا يعني تقريبا النص
الأمامي من راسي فاضي خالص
بس مش صلع وراثي ولا حاجه لأنه بيرجع يطلع تاني بس ببطء شديد
أنا كنت قريت على المنتدى أكتر من وصفه وخلطه للشعر
وأكتر خلطه لقيت عليها إقبال هنا وفي منتديات تانيه كتير
هي الموجوده في الرابط ده
http://www.lakii.com/vb/showthread.php?t=387992
وأنا باشكر صاحبة الموضوع جدا على تعبها
بس أنا كان ليا استفسارات عن الخلطه دي
1- منين أقدر أجيب نواة التمر في مصر يعني في مكان أشتريها منه
ولا المفروض أنا أقعد أجمع فيها.
2-يعني إيه بيالة حلبه ؟ والحلبه دي قد إيه؟
3-زيت جوز الهند أجيبه منين؟ من عند العطار ولا بيكون موجود عادي
مع الشمبوهات وزيوت الشعر العاديه؟
4-أهم حاجه بقى إيه هو زيت الأس ده ؟يعني اسمه في مصر إيه؟ وبرضو أجيبه منين؟
وهل ممكن استغنى عنه في الوصفه أو أحط مكانه أي زيت تاني؟
5- المفروض إن أنا بعد ما أعمل الخلطه أسيبها ليله قبل الاستخدام
يعني أحطها في التلاجه ؟عشان ريحة البصل والثوم ماتتغيرش
والخلطه دي أنا ممكن أعمل منها كميه كبيره وأسيبها في التلاجه
بدل ما أقعد أعملها كل يوم؟
6-آخر حاجه إلي جربوا الخلطه دي بدأت تجيب معاهم مفعول في قد إيه؟
أنا آسفه جدا على الإطاله بس أرجوكم إلي تقدر تساعدني وتجاوبني على الأسئله دي
أكون شاكره جدا ليها.......
الروابط المفضلة