انا رجعتلكم تاني اتمني للجميع ان يكون بصحة وخير
انا حبيت اعملكم مفأجة وانزل لكم رز احمر للسمك المقلي والمشوي واي نوع سمك
بسم الله الرحمن الرحيم
اولا تجيبي الكمية اللي انتي عاوزاها من الرز المصري طبعا
بصلة متوسطة مقطعة صغير
1 طماطم مقطعة صغير
2 معلقة كبيرة معجون طماطم
ملح \فلفل \شطة
اولا طبعا انقعي الرز بماء دافئ
تحطي حلة علي النار بها شوية زيت وتحطي البصلة واول ما يصفر لونها تضيفي الطماطم وتقلبي ثم الصلصة وبعدين تحطي الملح والفلفل الاسود والشطة وتقلبي
اضيفي الرز وقلبي مع الخليط ده لمدة دقيقة
وبعدين حطي المية اللي انتي عاوزاها واول ما تتشرب المية وطي علي النار
ولما يستوي دوقي طعمه مع اي نوع سمك وادعيلي
انا دايما بعمل الرز ده مع السمك وطعمه جنان
وبالهنا والشفا
ملحوظة: انا عندي الصور بس مش عارفة انزلها لو حد يفيدني ازاي انزل الصور حنزل لكم صور كل الاكلات اللي بعملها
الروابط المفضلة