خواطر حائرات (متجدد يوميا)

**akmalsabry** · 06-01-2008, 09:18 PM

خواطر حائرات (متجدد دوريا)
شعر القوافى
الشعر النثرى
الخواطر العابرات
المهم انها احاسيس
احاسيس تترجم الى كلمات
وقوة الكلمة بقدر صدقها
سأضيف يوميا فى هذة الخواطر خاطرة
ولكل خاطرة لدى قصة .. قد تبوح هذة
الخواطر بقصتها .. وقد تمتنع .....
ولكنها فى النهاية .. خليط من المشاعر
انتظرونى
اكمل صبرى

**akmalsabry** · 06-01-2008, 09:21 PM

مع الأسف
مع الأسف .................................... حبك معدشي منايا
مع الأسف...................................... قلبى جريح جوايا
خليكى لا تعودى........................ غنوة على عودى
عارف خريفى أبتدى................ عايش على وجودى
مع الأسف
قلبى الحزين أكتفى......... يحيا على الماضى
مالجرح أملة أنطفى........... فى الغد و الآتى
مع الأسف
صاحب حياتى الليل............ راضى بأحلامة
والحب بحرة طويل............... اناخدت آلامة
مع الأسف
(كلمات.. اكمل صبرى)

**akmalsabry** · 07-01-2008, 10:18 AM

2/ السجن والسجان
السجن والسجان
السجن والسجان .......................... والدمعة عالقضبان
ورسمتك يا حبيبة..........................وردة على الحيطان
رسمتك فى الهوا عصفور.............. بيندة فين شعاع النور
وامتى يخلص المسحور................وتخلص ضحكة السجان
السجن والسجان
يا قلبى يا حبيس مكسور.............. صراخك عدا حد السور
وغاب فى الدنياوالمقدور................ بيبكى قسوة الانسان
فى عمرى الدمعة وخدانى................ وليل الصبر عدانى
غريبة البسمة نسيانى................. مابين الدمع والاحزان
السجن والسجان
اشعار// اكمل صبرى

**akmalsabry** · 09-01-2008, 08:52 AM

متسألنيش
متسألنيش.... عن الماضى.... عن اللى كان..............متسألنيش
متسألنيش... عن الآتى .... عن الايام ...............متسألنيش
انا ليل الشتا البارد............................ و حر الصيف
انا قلب الربيع عاند............................ بعمرة خريف
متسألنيش
جريح قلبى سجين اهات......................غريب تاية لوطنة فات
وطار فوق دنية الاحزان.....................بلا احلام بلا ريش
متسألنيش
عيونى فى الرحيل قناديل.............. بتسأل فين الاقى دليل
ياخدنى للطريق تانى .................ويلقانى..فى لحظة واعيش
متسألنيش
اشعار///// اكمل محمد صبرى

**akmalsabry** · 11-01-2008, 08:28 AM

هارب
هارب ماليالى طريد .................. وحلمى القى نور الشمس
ساكن بين ضلوعى غريب.......... واهاتى صداها همس
انادى قلبى يا موجوع .......... يا ساكت والالم مسموع
يا تصرخ فينها احلامك ........... يا تبقى بالهوى مخدوع
هارب
تعدى سنين على سنينى........... حنينى وشوقى يبكينى
بياض الشعر يهوانى .......... والاقى خطوط على جبينى
هارب
اعدى بالامل ملهوف.......... اصارع نارى من تانى
وارجع بالحنين والخوف.... ياخدنى بحر احزانى
//////// اشعار// اكمل صبرى
.................................................. .....................

**akmalsabry** · 17-01-2008, 10:28 AM

( تراعى اللهجة الخليجية)

نديم الكاس
نديم الكاس يا ......................... سفير العشق جاوبنى
تنام الناس وانا ........................ عذاب السهد غالبنى
رحل عنى ..............................رحل عنى نسى قلبى
.................................. وضاف بعدة غرامى لهيب
يا ويلى ................................. ياويلى من الم حبى
.................................... وكيف الجرح بعدة يطيب
خليلى فى بعادة الليل............. عيونى بين ساعاتة نجوم
حياتة دونة درب طويل........ .... بلا حبة خريف مجنون
تطوف ايامى فى دمعى................. يمر العمر ما انساة
يشيخ عودى ومن وهنى............ اخاف ارحل بلا رؤياة
نديم الكاس
اشعار وكلمات/// اكمل صبرى

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: خواطر حائرات (متجدد يوميا)

أدوات الموضوع

العرض