للزين قالوا من قديمٍ علامات
عين ومبسم والجسم والرشاقة
لكن كسر هالقاعدة هالمتينات
من واقعٍ نشوفه وبلاغة
اللي محليهن ولو هن ثقيلات
دايم خفاف الدم وفيهن لباقة
الله يا هن يا جماعة لطيفات
وعن الكلام الحلو فيهن طلاقة
ما هو ضروري بالرشاقة رشيقات
وزود الوزن ما هوب يعني إعاقة
صحيح بعض اللبس يعني إهانات
الوزن بالضيّق عديم العلاقة
بس مو ضروري يلبسن ستريتشات
يا زينهن والبس واااسع نطاقه
لا بارك الله فيك يالضيق بالذات
ترا السعة مرات تعطي أناقة
قالوا الريجيم اليوم همّ البنيات
قلت الريجيم أدري يبي له فراغة
وقالوا الرياضة ... قلت ما هن مريضات
للسكري لا ما معاهم بطاقة
قابلهن الله بلا ريجيم ورياضات
باهدي لهن مني من الورد باقة
هن دفا هذا المجتمع هالرقيقات
هن ملح ... هن سكر لذيذ مذاقه
هن لو سألتوني عن الحب بسكات
باقول هن فيهن عن الحب طاقة
ما هو كلام اللي كتبته وإشاعات
أنا تربطني مع متينة علاقة
الروابط المفضلة