السلام عليكم و رحمة اللة و بركاتة الرجاء لكل من يدخل الدعاء لى و لزوجى
هذة اول مشاركة لى فى هذا القسم انا مبتدئة جدا فى المطبخ بس استفدت جدا جدا من اخواتى هنا فى المنتدى و حبيت اشاركم الحاجات اللى اخدتها من المنتدى و عملتها فى البيت و دة اعتراف منى بجميل اخواتى على و اولهم اختى ام بودى و الصن اللى انا طبقتة و طلع طعمة رائع هو تارت الفراولة و القشطة و هو موجود على هذا الرابط و شكرا للعزيزة ام بودى
ملحوظة العجينة اول ما تستوى تبان انها ناشفة شوية لكنها بتدوب فى البق على طول و بجد تحفة
http://www.lakii.com/vb/showthread.php?t=181609
نبداء بسم الله
اول حاجة مقادير عجينة التارت كالتالى
2 كوب دقيق
3 ملاعق زبدة
كيس فانيليا مقدار معلقة صغيرة
معلقة سكر
1\3 كوب ماءء مثلج
و هذة مقادير الكريمة
2 كوب لبن
1\2 كوب قشطة
4 ملاعق كبيرة دقيق
4 ملاعق سكر
الطريقة
خلطت السمنة و الدقيق كويس اوى و بعد كدة ضفت السكر و الفانيليا و الماء و خلطت تانى حتى حصلت على العجينة دية
ثم و ضعت العجينة فى الفريزر لمدة 20 دقيقة و هذا شكلها بعد ما خرجت من الفريزر
و عجنتها شوية فى ايدى عشان اعرف افردها فى القوالب و دهنت القوالب بقليل جدا من الزبد حتى لا تلتصق بها العجينة
و بعد كدة فردت العجينة فى القوالب و خرمتها من فوق بشوكة
img]http://alfrasha.maktoob.com/ups/u/10493/16332/211770.jpg[/img]
و حطيت العجينة فى فرن مسخن مسبقا على180 درجة
و بعد كدة عملت الكريمة اللى بتتحط على وش التارت بانى خلطت الدقيق و اللبن و السكر و الفانيليا على البارد و قلبت كويس
و حطيتهم على النار و بعد كدة حطيت القشطة لغاية ما القوام بقى غليظ طفيت علية و سبتة يبد خالص
و بعد كدة طلعت القوالب من الفرن و دة شكلها بعد ما استوت و لونها احمر شوية
و دة شكلها من فوق
ودة شكلها من تحت
سبت العجينة و القشطة يبردوا خالص و بعد كدة فردت كريمة القشطة على العجينة
و بعد كدة زينت سطحها بفاكهة مختلفة كانت عندى
عنب و تفاح و خوخ و طلع دة شكلها النهائى
ارجو انها تعجبكوا
و الشكر لكى اخت ام بودى جزاكى الله كل خير
الروابط المفضلة