السلام عليكم ورحمه الله وبركاته ....... تحية طيبة وبعد .... احب ان اوضح للجميع انى كتبت الموضوع ليس بدافع الشفقه على نفسي وانما بدافع الشفقه على باقى الاخوات الى تستهون بالعملية والبعض الآخر يفضلها عى الطبيعي من غير الداعي الطبي لها ... وانما من وجهه نظر البعض انها اسهل واحسن لى علشان اريح زوجي معي ... القصد معروف طبعا ........ عى العموم الحكاية من البداية فى حملي الاولي ....بابني الله يحفظه ويسلمه لى ...خلصت التاسع وعديت على موعد الطلق وانا خايفة من الولاده .... من كثر ما اسمع الحريم يقولون تخوف الله يسامحهم خفت ولا طعت اروح المستشفى ... وجلست انتظر الطلق يجي .. لمده 20 يوم بعد السابع لين ما اشتهرت وقاموا هلي ينادوني بـ( الناقة).
المهم بعد هالفترة جاني طلق ورحت بيت اهلي جلست يوم كامل امشي ...... وامشي وبعدها قلت يالله صارت الفترة بين الطلق والطلق تتقلص لين ما وصلت 4 دقايق ... لما وصلت المستشفى دخلوني على غرفت الفحص وركبوا لي الجهاز الخاص بفحص دقات الجنين جلست نصف ساعه ولا السستر تنادي على الدكتور ... الطفل تعبان تخطيط القلب عنده .... خلال دقايق وصل الدكتور ومعه ممرض وممرضه وسألوني عن سبب تاخري ليه ما جيت على موعد الطلق .... وش اقول المهم شي وصار ...قال الدكتور مافى وقت لازم زوجي يوقع على العملية ... دخلت غرفة العمليات وانا مو عارفة شي يعنى مو خايفة ...... سوا لى تخدير نصفي.... تعقدت من هالتخدير النصفي ....اربع ممرضات مثبتات جسمي علشان ما اتحرك .... ولا نفس اسمع الكل يقول لى هالجملة .... لا تتنفسين .. لا تتحركين والدكتور ..... ضرب الابرة فى عمودي الفقري من هنا والخدر سرا فى اطرافي السفلية مثل الكهربا ... وحسيت بثقل فيها بعدها ما قدرت اشيل رجيلي وارفعها للسرير ..... ساعوني السسترات..وبدا الشغل .... قبل العملية لازم يحلقون بطنك علشان الشعر طبعا مكان العملية .....بعدين الدكتور يسألني وهو حاط المشرط على المكان تحسي بشي قلت له ايوه قال .. والحين قلت ايوه .المهم ما انتظر على اتخدر ميه بالميه ... حسيت بوجع المشرط وبعدها لما بدا يدخل بالبطن اكثر ما حسيت بشي ..... وشوي احس بالدم وحرارته يطفح مكان الشق القيصري ... واحس بدغدغة فى رحمي ... لان الدكتور مدخل ايدية والادوات الشفاط علشان يشفط ماي الطفل ..وبالاخير نزلوا الطفل ماشفته لانه كان تعبان وانا خفت وخدروني بالاكسجين .....بعدها ما قمت الا فى غرفتي بالمستشفى وانا ارتجف من البرد جسمي كله يرجف مثل السعفه ....... وامي مطيه على بالبطانية وماسكتني وانا اهز السرير معي ..المهم عشت وقت صعب فى المستشفى اسبوع ولا شفت الطفل هو فى العناية وانا ماااقدر اتحرك من السرير وتعبانه ....... باخر يومين خلاص شوي وبيخف عقلي وين ابني ما شفته والكل شافه جوبوا لى ابنى اشوفه ..... الكل يوصفه لى حلو ..... ابيض شعره اسود عيونه ... يتفننون فى وصفه ونا مقهوره .... قمت من السرير وقلت اطلع اشوفه ما عليه وين القسم قالوا بعيد قلت هتوا لى كرسي متحرك ........ قالوا لا السستر بتجيبه يكذبون على المهم مر ساعه ساعتين نص يوم ، يوم وفات اليوم ولا شفته ..... بعدها قلت يا انا ياهالسستر الله ياخذها وين ابنى اصارخ راحوا ووجابوه لى .. يالله لما دخلوا به علي حسيت الدنيا ما توسعني من الفرحه خذته وحضنته ولا طعت ارجعه للسرير ... ملصقته فى حضنى ..... ابا اكمل لكم بعدين الباقي....
الروابط المفضلة