ارجو منكم المساعدة فانا اتمزق ألما

[eng_s]

السلام عليكم ورحمة الله وبركاته
أكتب اليكم اخواتي في الله لمساعدتي
فأنا يمزقني الحزن والحيرة ولا أجد الراحة ولذا التمس منكم المساعدة
كتبت اليكم سابقا عن قصتي وكيف اني التقيت بانسان اتمناه من كل قلبي وتمت خطبتنا ولم تدم سوى اسبوعين لاعتراض والده سامحه الله
وتسبب لي في ألم نفسي وتسبب لولده في فقدان وظيفته وعمله
وفي هذه الظروف لم استطع التخلي عن خطيبي لاني احبه بشدة وانا وهو نتوافق اكثر من اي احد قابلته في حياتي
باختصار هو مني وانا منه وبنكمل بعض
المهم مر على هذا الوضع 8 شهور ونحن نبحث عن عمل جديد بدون طائل وهو يحاول ان يجمع مالا من عمله ذو الدخل المتواضع حتى يثبت لوالده انه يقدر على تحمل المسئولية ولكي يفتح موضوع ارتباطنا ثانية
طبعا علاقتنا استمرت في ظل الخوف من المستقبل وما يحمله في طياته لنا
وحدث ما لم يكن في الحسبان وتقدم لي عريس من جهة زوج اختي
ولكم ان تتخيلوا ان رفضي له في البداية قوبل بهجوم على الرغم من انه اكبر مني ب 15 سنة ومجال عمله وحياته بعدية كل البعد عني
مع العلم بانني سابلغ 25 في شهر 10 القادم والحمد لله اعمل في وظيفة محترمة جدا واكمل دراستي العليا
وبعد موضوع العريس ده خطيبي السابق نظرا لانه مش موجود في نفس البلد ولانه ميقدرش يسيب شغله
كلم اهله مرة تانية وحاول مع باباه بالراحة وحاول يكلمه اننا نرجع لبعض تاني بس برده باباه رفض والحجة ان هو لسة مش محوش فلوس وانه يكون نفسه الاول
مع العلم اني واهلي كنا عارفين كل ظروفه المادية ووافقنا عليه وكنت على استعداد اني اسافر معاه ونكون مستقبلنا سوا ولحد دلوقت كدة طبعا مش عايزة اقولكم الحالة النفسية من جهة الامل فقد اني ارجع لحبيبي اللي مبقدرش لا انا ولا هو نبعد عن بعض يوم واحد
هو قالي انه فكر يكلم والدي بس اكيد والدي مش هيوافق بعد اللي حصل من غير ما باباه ولو والدي وافق هيعمل ايه مع اهله وانا مصدقاه وعارفة ان باباه راجل جبار حتى اخته كلمتني وقالتلي نفس الكلام
عارفة ان حرام ادعي على حد بس انا وربنا يسامحني دعيت عليه كتير وكل لما الدنيا تضيق في وشي ادعي عليه لانه ظلمني بدون ذنب
منه لله وحسبي الله ونعم الوكيل فيه

طبعا على الجانب الىخر وكعادة كل الاهالي في موضوع اي عريس يرونه مناسب فلم يوافقوني
صليت استخارة من اول يوم ولم احس براحة وكلهم كانوا حاسين اني برفض عشان خطيبي الاول
وافقتهم وقلت اشوفه
وشفته ولم احس تجاهه باي شيئ
العكس حسيت ان مش هو ده الانسا اللي بتمناه
فانا اجتماعية مرحة وهو لا يتكلم حتى في اول مرة لرؤيتي له لم يتحدث معي ولم يحاول
وانا اريد من يريدني لشخصي
بعدها حالوت الرفض قوبلت بهجوم عنيف وغضب وزعل من والدتي وخصامها لي ووصل لدرجة البكاء
واني لسة معرفش الشخص ده وادي لنفسي فرصة لان البنت لو جالها عريس ورفضت بسبب تافه زي اني مش مرتاحة يبقى بتظلمه وربنا هينتقم مني
ولاني مش عايزة ازعلهم قلت ادي لنفسي فرصة مع العلم ان كل لما اصلي استخارة احلم احلام وافسرها يطلع التفسير مش في صالح الموضوع
ولاني ممكن مكونش محايدة لاني لسة متعلقة بخطيبي السابق رغم اني خلاص فقدت الامل اننا نكون لبعض
الا اني خليت اصحابي يصلوا استخار نيابة عني جايز يكون خير وانا اللي في بالي خطيبي وعشان كدة بحلم احلام مش في صالح الموضوع
احلام صحباتي كمان كلها تفسيرها مش كويس
ونفسيا تعبت
قلتلهم عندي على الاحلام وتفسيرها ورفضوا يصدقوا وقالوا لي ان الاستخارة مش معناها الحلم ولكن الموضوع يمشي ولا لا
قلتلهم اني مش مرتاحة قالوا لي حاولي تتكلمي معاه وادي لنفسك واديه فرصة مع العلم اني بعمل كدة عشان بس مبقاش ظالمة لا ليه ولا لنفسي ولا ازعلهم مع اني اعتقد ان المفروض لو فيه قبول كنت ارتحتله من اول مرة وبقيت عايزة اتكلم معاه بس قلت يمكن
اتكلمت معاه وباقلنا بنتكلم دلوقت حوالي اسبوعين كل يوم
وعايزة اقولكم اني دلوقت مش قادرة اتكلم عشان حاسة بالذنب لانه اتعلق بيا وحبني معرفش ازاي ولا امتى
بس انا مش حاسة من ناحيته باي حاجة خالص
حتى هو من النوع اللي مش بيتكلم بيتصل بيا ومش بنلاقي كلام نقوله غير السلام
وانا بتكلم معاه كويس والله عشان مش اجرحه ولا اظلمه ودلوقت مبقتش عارفة اعمل ايه مش ملهوفه عليه ولا ببقى فرحانة لما يكلمني
ولا انا فرحانة بالموضوع كله
وكل يوم البيت وماما يزعلوا لان مش باين عليا الفرحة ويقارنو بين ايام خطوبتي الاولى وازاي كنت فرحانة وكنت بعمل ايه وبين الايام دي وازاي انا مش فرحانة
انا مش عارفة اعمل ايه كل لما بسمع منه كلمة حب مبيبقاش عندي مقابل ليها
مش بعرف ارد وهو عايز مني رد على حبه بحول الموضوع هزار واقوله لما نبقى في بيتنا
بس انا مش بقول لاني مش حاسة بحاجة من ناحيته
واتصل او مش اتصل مش بتفرق
مش في بالي دايما
والله مش مقارنة بس انا خطيبي الاولاني كان في بالي طول الوقت في بداية تعارفنا كنا بنتكلم بالساعة قب حتى ما نحب بعض لما كان بيجيلي بعد الخطوبة كان بيجي من سفر ومع ذلك ممكن نقعد 8 ساعات نتكلم والوقت يعدي بسرعة منحسش بيه
ده جالي مرة واحدة قعدنا ساعتين ملقيناش حاجة نقولها
وبيكلمني في التليفون المكالمة لا تتعدى ال 10 دقايق
مش عارفة اعمل ايه
بموت ف كل لحظة مش عايزة اجرح انسان ملوش ذنب وضميري بيعذبني لاني معنديش مقابل لحبه
وعلى الجانب التاني البيت زعلانين ومش عارفة ارضيهم ازاي
المفروض اننا الايام الجاية هنشتري الشبكة وهنحدد ميعاد الخطوبة وانا بجد تعبانة
عايزة رايكم هل انا كدة بتبطر فعلا؟ هل انا هظلمه؟ هل ممكن رغم اختلاف الطباع والتفكير والاهتمامات هقدر احبه في يوم؟
انا بجد بتعذب وعارفة ان جزء كبير من عزابي اني لسة بحب خطيبي السابق وبتمنى لو حتى مش هو النصيب يكون واحد يفهمني زي ما هو كان بيفهمني ويحس بيا ويكون ليا دور مهم في حياته زي ما كان ليا دور في حياته ويحكيلي ويشاركني كل حاجة زيه؟
هل انا خيالية وبدور على حاجة مش موجودة؟
ارجوكم شاركوني وساعدوني
انا بجد تعبت

[إنجــــــــي]

اختي الحبيبة
الله يعينك ويفرج عنك ويسعدك
اختي كل الذي تمرين به الآن هو نتيجة لأنك لازلت تفكرين بخطيبك السابق
والاختلاف في تصرفاتك مابين الخطوبة الاولى والتانية يعود الى انك كنت تحبين خطيبك الاول بجنون ولكل ماعانيته لتفوزي به
وقد لايكون هذا بالضرورة دليلا على نجاح الموضوع او عدمه

اختي واضح انك لم تعط نفسك فعليا فرصة لتقبل اي شخص جديد مكان خطيبك الاول
لا خطيبك الحالي ولا غيره
ولهذا تشعرين بالفتور والحزن تجاه الموضوع
اختي بما انه قد مر اكثر من اسبوعين على خطوبتك الحالية
فمن المفروض ان تكوني قد اتخذت موقفا محددا تجاه هذا الشخص
اما بالقبول او الرفض
وعلى اساسه عليك ان تتحملي تبعات قرارك وتتصرفي بما يناسبه
والا وكما قلت فإنك تظلمين شخصا لاذنب له سوى انه احترمك وقدرك وطلبك من اهلك
بكامل التقدير
وتأكدي اختي ان الاستخارة فعلا لا تكون بالاحلام بل بان الموضوع يسير بسهولة ويسر اولا
وكوني واثقة بما انك عملت استخارة فإن الله سييسر لك الخير اينما كان وسيرضيك به
فما خاب من استخار
ربنا يسعدك ويوفقك ويفرجها عليك آمين