أول طريقة من تأليفي كنت أقرأ كتيير في هاي المواضيع و ألفت خلطة و نفعت معي وهي كالتالي:
أولاً: اطحني بابونج في المطحنة و خدي منه 4 ملاعق طعام كبيرة.
ثانياً: روحي عند العطار و أطلبي منه ترمس "مُرّ" مطحون، (الترمس المر يختلف عن ترمس الأكل و هو للأغراض العلاجية) ما تطحنيه عندك ممكن يخربلك المطحنة،
خدي من الترمس المطحون و حطي منه 2 ملعقة كبيرة على البابونج.
الآن سخني القليل من الماء للعجن حاولي ما تزيدي الماء كتير يا دوب يكفي لتصير عندك عجينة.
ضعي العجينة على وجهك، يمكن تغلبك شوي لما تفرديها على الوجه لكن نتيجتها رح تعجبك إنشاء الله، عشان هيك اعملي حسابك تكوني حاطة بشكير أو غطاء عليك حتى ما توقع العجينة عليك و خليها لمدة 1/3 - 1/2 ساعة.
يفضل إنك تعملي تبخيرة بابونج قبل ما تعملي الخلطة حتى تفتح المسام بس التبخيرة ما تكرريها غير مرة في الأسبوع لإنها ممكن تعملك حروق.
أما الخلطة فكرريها لمدة أسبوع.
الطريقة الثانية سمعتها في التلفزيون و جربتها و كانت فعالة جداً الصراحة و رح تستغربين من قدرتها على إطفاء الحبوب عندك و هي إنك تقسمي حبة ثوم و تحطيها على الحبة اللي طلعتلك و خليك حاطيتها 5 دقائق و بعد كم يوم رح تلاحظي إنو الحبة بدت تختفي و كمان إلها قدرة على إخفاء أثرها..
أتمنى موضوعي يكون فادكم و دمتم سالمين..
على فكرة هاي أول مشاركة لي في منتديات لك، أتمنى ما تكسفوني و أتمنى أسمع آراءكم وتعليقاتكم..
الروابط المفضلة