أفكاري لتزيين الدفاتر الجينز .. تفضلوا .. (((((بالصور)))))
السلام عليكم و رحمة الله و بركاته..
اليوم حبيت أعطيكم أفكار رووووعة مكملة لموضوع شعنونة..
هاي الأفكار مناسبة للي عملت دفترها بشكل سادة.. ( يعني ما قصت الجيب أو الجزء الأمامي)..
و هاي الصورة.. و مرقمة .. و أنا رح أعطيكي الأفكار بترتيب الترقيم..
1- المناكير اللميع:
ممكن تحطيه على أطراف القماش.. أو ترسمي أي شكل على القماش.. أو تحددي الجيب أو _ _ _ _ _ _ إلخ
و انت طبعا ابتكري شو ممكن تعملي فيه.
2- الساعة:
في نص القماش الجينز.. ( هادي الفكرة للقماش السادة).. و خصوصا إذا كانت الساعة بتشتغل .. رح تكون صرعة.. كم الساعة ؟؟.. لحظة أشوف في دفتر كذا!!!.
3- التوكة:
التوكة اللي تكون داخل شكل نجمة أو قلب أو..........إلخ، لما تحطيها بشعرك يبان انه انت ملصقاها على شعرك.. انت شيلي منها التوكة و الصقي الشكل على الدفتر.. ( ملاحظة: لما تشيلي التوكة احذري إنها تنقطع).
4- مساكات الورق:
ممكن تشكلي فيهم أشكال و تلصقيها على القماش الجينز.
5- الخرز و الترتر:
ممكن قبل ما تلصقي القماش بالغراء تشكي الخرز أو الترتر في القماش (بالإبرة و الخيط طبعا)..
أو ممكن تعملي شكل وردات، أو حتى تطرزي من غير خرز.. تطريز عادي.. ممكن حرف اسمك، ورود، نجوم، قلوب.............الخ.
6- نجوم الليل:
نجوم الليل إلي نعلقها في السقف في الغرف و تنور في العتمة.. أكيد عرفتوها.. انت ممكن تحطيها على دفترك.. بس مش بشكل نجوم.. لأن رح تطلع بايخة.. بشكل آثار أقدام ممكن (زي اللي في الصورة).. شكل بط، شكل أقلام و مساطر.. (أنا ما بخرف من راسي ، كل هاي الأشكال موجودة ).
7- الدبابيس اللي تكون على أشكال:
ممكن تشكيها في القماش قبل ما تلصقيه على الدفتر.. و في أشكال كتير منها الورود و القلوب و النجوم و غيره.
و هيك بنكون خلصنا الأشياء اللي في الصور.. بس في حاجتين ما صورتهم اللي هما:
1- الورود الصناعية:
ممكن تقصيها و تحطي عليها مناكير لميع.. أو تحطي و وردة كاملة على الدفتر.. تحفة!
2- الأساور الإكسسوار:
ممكن الأساور البلاستيك.. المدورة.. إعمليها على أشكال.. مثلا شكل وردة.. أو شكل عقد.. أو شعار الأولمبياد.
و الآن صور الدفاتر اللي عملتها شعنونة لألي الله يخليلي اياها..
هادي صورة لدفتري.. من أعمال شعنونة .. و التزيين من أفكاري..
و هادي كمان صورة لدفتري.. و برضو من أعمال شعنونة.. وكمان التزيين من أفكاري ..
شو رأيكم ؟ .. بدي تعليقاتكم..
ترقبوا صورة دفتر شعنونة الجديد في موضوعها ..
استنوا .. لا تمشوامن موضوعي إلا و انتوا قايلين رأيكم و تعليقكم .. سلام ..
الروابط المفضلة