فول أخضر بالزيت

**وعود الخير** · 16-02-2005, 08:01 AM

صباح الدفا والعفا...

انا بعشق شيء اسمه اخضر

وبدكم تتحملوني..

بس والله اللون الأخضر والخضار الخضراء مفيدة جدا للصحة..

واليوم جبت لكم طبق مقبلات لذيذ

وبما ان هذا موسم الفول الأخضر

تفضلوا معي...

فول أخضر بالزيت

بسم الله نبدأ

كيلو فول أخضر طري

ثلاث اربعا فنجان زيت زيتون

بصلة كبيرة نوع أبيض

نص حزمة كزبرة خضرا

3 ملاعق طحين

خمسة أسنان من الثوم

2 فنجان ماء مغلي

رشة فلفل أسود (حسب الرغبة)

الطريقة:

بنغسل الفول ونرفع الخيوط اللي على الجانب

ويقطع كل قرن فول نصين

بنفرم البصل ناعم

برفع الطنجرة على النار وبنضيف الزيت حتى يسخن شوية

بنضيف البصل وبنقلب بسرعة حتى يذبل

بنضيف الفول المقطع مع الطحين وبنقلب بسرعة ونتركه على نار متوسطة حتى يذبل الفول

بنغسل الكزبرة وبنفرمها ناعمة وبندقها مع الثوم والملح وبنضيفها فوق الفول وبنحرك شوية

بنضيف فنجانين ماء مغلي وبنتركة يغلي غلوة واحدة

وبنهدي النار وبنتركه حتى ينضج

قبل ما نطفي النار بنضيف عصير الليمون وبنذوق الطعم لتعديل الملح ..

وبعدها يسكب ويقدم باردا ..

وصحتين وعافية..

على فكرة بيصلح للريجيم أيضا.

وانتظروني مع يخنية الفول في قسم الأطباق الرئيسية.(وحدة عاملة دعاية)

**رندوش** · 16-02-2005, 11:56 AM

وعود صباح الخير دائما سبقاني
ما شفت موضوعك روحي على الاطباق الرئيسيه
شوفي شو اليوم طابخه فول أخضر شو هالصدف
تسلمي حبيبتي

**moon light 2** · 16-02-2005, 08:26 PM

وعود كيف حالك حبيبتي شو هالوصفه الحلوه شو بدي أحكي الحلو ما بيجيب غير حلو زيه يسلمو ايديكي .

**طيـــف** · 17-02-2005, 12:15 AM

الله فوووووووووول مقلا بزيت

بموووت فيه هو والفاصوليا
والسبانخ بنفس الطريقه بتدبل بالبصل والليمون وزيت الزيتون وشوي توووومه

امممممممممممممممممممممممممم على قولتك كل شي اخضر بجننننننننن

يسلمو ايديك

**وعود الخير** · 17-02-2005, 10:42 AM

لوز... تسلمي عالمجاملة الحلوة
طيف... لو كنت بعرف انك بتحبيه كنت بعثت لك صحن..

رندوش... صبرك علي.

**احاسيس مرهفة** · 20-02-2005, 11:09 PM

يسلم دياتك ياوعووووووود

المشكلة مو كثير حبايب مع الفول الأخضر

**ام حكم** · 21-02-2005, 08:32 AM

هلا

يسلموا ايديكِ يا وعووووووود على هالوصفة الرهيبة

أنا من عشاق الفول الأخضر وتقريبا طريقتك نفس طريقتي بس انا أحيانا بحب أضيف عليها كم حبة بندورة مفرومة ، عشان بنتي ما بتحب توكل هالشغلات هاي الا بالبندورة شو نسوي حكم القوي على الضعيف

**بسومه الاموره** · 21-02-2005, 10:31 AM

تسلم ايديكي وعود انا بعمل نفس الطريقة وأحيانا بضيف التالي:

خبز محمص أو مقلي كطبقة أولى
الفول (نفس طريقتك) طبقة ثانية
لبن طبقة ثالثة
يعني كأنه فتة فول بس رائعه
وصحتين وهنا

**وعود الخير** · 21-02-2005, 11:50 AM

ام حكم... حكم مين بالضبط..

بسومة الأمورة... تسلمي على الإضافة .. وكسبنا طريقة جديدة..
لا تحرمين من الابداعات المخفية عندك.,

سيسو.. هيك انا بازعل.. ليه ما بتحبي الفول الأخضر..

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: فول أخضر بالزيت

أدوات الموضوع

العرض