السلااااام عليكم ..
مساااااكم الله بالخير حبيبات قلبـــي ..
لو أبتــعـد عنكم قريبيــن لــلروح .. صورة غلاااااكم ماتفارق عيونــــي
وشلونكم مع البردددددددددد
عمركم خليتو احد من الجنس الخشن يطبخووون ؟؟
أبــوي فنان في طبخ الكبسات .. و في الضبان الله يديم النعمه وععع .. وماقد صااارله مواقف
فيه..إلا ان عنده سلبيه وحده وهي موجوده في كل الرجال وبتقرونها آخر الموضوع ..
أمـا أبو الشبااا ب وربي مايدبر في المطبخ إلا انه يسوي الشاهي ويصب العصير من علبته
في الكاس<< خخخ تكـلف ... مره قالي أبي اتعلم اطبخ أبي أسوي رز ومكرونه وو.. قلت سم ..<< استانست
المهم وحنا نشوف ذاك اليوم المناسب عشان أعلمه << يعني اني
وعلمته طريقة الكبسه باللحم في الكاتم << ترى مانيب سهله << أقوول ضفي وجيهك
الحريم يسون ذبايح وانتي الله يخلف على امن جابتك << ايه بس هذاك منول هالحين الحريم
اللي تسوي الذبيحه في البيت هي اللي الحين تطالب وبشده أن المفطح يكون عند الطباخ ..خخخ
<< موب كني طلعت من الموضوع كالعاد يعني
نرجع لسالفتنا المهم الرجااال اتقن الاستماع والمشاهده في آنن واحد << يمديكم على اللغه
قال خلاص إذا جاء يوم الخميس بسوي الغداء قلت سم على هالخشم ..
المهم << مانيب قايلتن الموهيم مثل بعض المراجيج خخخ
ابو الشباااب يموووت على الرز النثري .. اللي تجيك الرزه لحالها مهيب لازقتن في خويتها
يعن كنهم متزاعلين << أبوك يالتشبـيه
والظاااهر كلكم تحبون الرز نثري .. ومشدده انا عليه انه مايكثر الماء في الكاتم ..
والله وهو يدهر في المطبخ أنواع الصجه والقربعه ..
<< نعنبوو بليسهم عليهم دفااااشه مدري وش تبي خخخخ
وانا مكيفه على النت .. شوي وهو يجي عندي ويحط رجل على رجل ويقعد يناظر التلفزيون
<< يقلدني إذا أحيانا سويت شغلي أجي اقعد عنده دقااايق أريح ثمن أرجع للمطبخ ..
وهو الله يسلمنا وياااه قعـد وطووول القعده .. وانا ساكته ماقلت شي لأن من شروطه يقول انتي
علمتيني خلاااااص لاتتدخلين ولا تقولين شي .. وانا قلبي يفرك على ذالوقت اللي يروووح ..
شوي إلا نشم ريحة حريقه وينقز طيرااااااااان للمطبخ.. واناااا
اللحم والقدر صااااروا فحممممم وابو الشبااااب خخخخخ
هذي أول تجربه .. أما الثانيه كان في تدخل مني .. جهزتله الادوات والأغراض من بصل وطماط وغيره ..
وكل شي حطيته وجهزته إلا القطاعه نسيتها .. تصوروا يابنات وش قطع عليه ..
أخذ صينيه ناااااعمه وفييها رسمات انعــــم وهي بلاستكيه لتقديم العصير..
وقطع فيها .. تعالوا شوفوا شكلها بعد ماقطع ماغير XXxxxXX شخوووط واكسااات راااحت الصينيه
خخخ << ماقلتلـــكم دفـوووووش خخخ
والله كل طبخاته من يوم تزوجنا إلى الحين 8 .. ثلاث منها كذااا والباااقي ؟؟
اما الشاااهي الصراااحه ماظلمه يظبط أبو جده ...
ولا أخــوي مره نشب بحلقي إلا يبي يسوي شاهي وقلتله أبد فوح ماء ثم صبه ببريق الشاهي وحط
ورق الشاهي وحط السكريه على جمب وتعال انتي وبيلاتـك .. قال اقووول أهجدي بلا سكريه
بلاهم << قمة الخشووونه خخخخ
خلصينا بس متى أحط السكر فيه قبل الغليان يعني هو الماء سوى ولا لافاح الماء؟؟ << أحلى ياشديد
قلت لافاح الماء حطه بس بشويش .. الحبيب حط السكر على طووول وتشششششششش
الولد ذب الفنجال وشهق وانحااااس وبغى يحترق وجهه خخخخخ .. من يومها ماعاد سوى شي خخخ << احسسسن ماغير ينافخ خخخ
السلبيه المشتركه بينهم كلهم وهي اللي قلتلكم باقولها آآآخر الموضوع ..
(( الله يعينكم إذا دخلتم المطبـــخ عـقــبهم )) أنوااااع الحوووسه ووو ..
وسلااااامتكم يابعد قلبي .. اللي تبي تتحفنا بموقف حيااااها .. واللي تبي تتحفنا بطلتها ومرورها
هم حياااااها .. أهم شي ماتحرمونا من طلااااتكم العسل ياعسسسل ...
الموضوع منقووول للاخت العيون
الروابط المفضلة