بسم الله الرحمن الرحيم
اول موضوع نبدأ فيه يومنا
شوفي عزيزتي من فتره تعرضت لموضوع مثله بالضبببببط
انا بطبعي من حد يقولي كلمه او شي يجرحني مابسكت له !
لكن برد باسلوب محرج وقدام الكل ومن بعدها طبعا بحرم يعيدها معي
بس من فتره طويله مديري شخصيه رائعه جداااااااااا بمعني الكلمه
ودايما بقول الحمدلله الف مره لانه فعلا رجل محترم واخلاقه عاليه وبنفس الوقت شخص فهمان بستفيد كتير من خبرته غير انه بوقف جنبي وبدعمني وبساعدني
يعني لو شو مايقول اسلوبه ومواقفه بتخليني دايما افكر باي كلمه او اي تصرف يزعجه لانه محترم مابستاهل
بس مره صار موقف منه مع انه شخصيه جدااااا هاديه ودبلوماسي يعني الكلمه مابتطلع منه الا بتفكير عميق
كان عم يتكلم ويتنقد ادارتنا ومضايق من بعض الزميلات ولامبالاتهم !
قام قال لي يلا لي اتعب حالي ماهي صاره دائره ميئوس منها! وانتو رح تكونو ملطشه للكل
انا انصدمت لانه مش عوايده التجريح ولا انه يتكلم بهيك اسلوب
سكتتت ......... تضايقت وطلعت
بعدها بثلاث ساعات وقبل ماروح البيت ماقدرت اكتمها بقلبي
رحت دخلت وكلمته قلت له انت اليوم رميت كلمه جارحه وهالشي مش من عوايدك ولاتعودنا عليه منك
لو انت مضايق من تصرف او تقصير بعض الموضوع وجهه الحكي لهم مباشرة مش تجمع
فهمني بشو قصرت انا وفلانه ... وفلان لحتي تجمع الزين مع الشين !
سكت قالي مش فاهم شو قصدك
قلت له انت اليوم حكيت ........ وذكرته بكلامه
لقيت الرجال متفاجأ بالكلام بقول لي انا قلت هيك !!! والله مش واعي على نفسي وانا اسف
صحيح مالي حق اقول هيك وانتي شوذنبك اقول اللكلام لك انا اسف ماقصدت الكل .. يمكن لاني مضغوط شوي
قدرة له اعتذاره وطلعت وكنه ماحصل شي .................
بعدها بشهر
صار تقصير من احدى الموظفين المتدربين عندي
المشكله من الاول قلت له يافلان .......... بصراحه مش قادره الحق عليهم لانه صار ضغط كتير علييي خصوصا انه مهامي ومهام غيري على انا مراجعتها وانسأل عنها ! يعني خلي لكل واحد مسئوليته يتحاسب عليها
خصوصا الوقت حرج ومافي مجال للتدريب هلاء لانه مرحلة تشغيل مشروع مهم
هو قال لي انا مابثق فيهم ولله الحمد هو بعتمد علي كتير
ووقتها كنا بمرحله جدااااااا حرجه قدام مجلس الاداره لانه في مشروع كتير كبير وقرب وقت تشغيله
والكل اعصابه متوتره وتخيلو الوضع
المهم احدي المعاملات صار فيها غلط مطبعي من المتدربين
انا اخدت المعامله وحطيتها عليها اوكي اعتمدت ( من كتر الضغط ماعدت اركز واكتر من مره اقوله مش قادره اركز بشي من كتر الضغط ) يقول لي معلش تحملي فتره وبتعدي
المهم وهو وقعها بناء على اعتمادي لها
وراحت الورقه لمجلس الادراه
وطلع فيها غلط مطبعي كبير وشنيع
اتصل احدي اعضاء مجلس الاداره
وكلمه باسلوب سخيف كتير وبالعربي الفصيح الرجال انمسح فيه الارض
طبعا انا سامعه نقاشه معه ورده ودفاعه كان بيقول له
لو سمحت الكلام يتوجهه لي انا موظفيني ماحد له علاقه مهم!! يعني شي طيب منه
سكر التلفون من هون
وطلع لنا بنص المكاتب
وصار يكلمني ويلومني باسلوب مابقدر اوصفه
حط كل الملامه علي والتقصير علي انا وكل شي رماه علي انا
صار يقول لي مش معقول صار لك سنه معنا وهلاء بتطوف عليكي اشياء متل هاي وين التركيز وين مابعرف شو...........
انا اعطيك فرصه الكل بتمناها بس انتي احرجتييني قدام مجلس الاداره .... ويومها انطبقت عليه مقوله اتقى شر الحليم اذا غضب...يومها وهو بحكي طلعت عليه حسيت وهو بحكي كتير منفعل وحسيته رح ينفجر مابعرف شو نزل علي الهدوء والسكنيه وخلاني امسك حالي ليومي هادا مبعرف شو خلاني امسك حالي .....
صار الزميلات والزملاء اللي معي يهدو الموضوع
البنات يحكو لي معلش لا تاخذي بكلامه هو بعزك بس عصب وطولي بالك
والشباب صارو يهدوه هو ويحكو له مابيصير تكلمها هيك .. راعي عليها ضغط كبير وانت هلاء متوتر وتعبان لاتحط عليها الضغط...
صراحه عزززت علي نفسي
وهاتي بكي يابنت
اوووووول مره بحياتي ابكي قدامهم
قعدت سنه كانت تصير مواقف صعبه بس كنت اركض للتواليت ولا اخلي حد يشوفني
بس يومها ماقدرت امسك حالي
لاني كنت متوقعه بعد هالتعب تقدير يجي لي وكنت اصبر نفسي واقول معلش اكيد رح يقدرو لي تعبي والضغط يل احنا فيه
فجأه لقيت كل شي انهار قدامي من كلماته
صرت ابكي شوي اخدت الشنطه وطلعت
زميلاتي قالو لي اوكي اطلعي روحي ارتاحي
بعدين المغرب يمكن
اتصل علي شخص من مجلس الاداره
قال لي خير شو صار اليوم
قلت له ... ابدا ماصار شي
طبعا صوتي كان منتهي
قال لي لا فيه....صوتك مبين وانا كلمت مديركم وقال لي شو صار !
قلت له خلص لي بتسأل دامك عارف
قال لي انا حبيت اعتذر لك بس واقولك معلش هي فتره ورح تمر وتصير ذكرى هلاء انتو عليكم ضغط كتير
هو سمع كلام كتير قوي وبتعرفي هو مضغوط وانفجر .,... بعدين تذكرى له مواقف طيبه معكم يعني مابشفع له
انا اصيرت وعندت على الللي براسي قلت له ياسلام شو ابوي مابيقدر على امي
ماقدر الا على انا ! شو ذنبي من زمان احكي له مضغوطه مش قادره اركز رح ييجي وقت ماقدر اسيطر على شي !
قلت له خلص انا قررت اترك الدوام ومابدي اضل معكم ....
الرجل كان جدا ذكي
قال لي اوكي تيجي بكره قدمي استقالتك رسميا وخلص دام هالشي رح يرضييكي
فعلا تاني يوم رحت اقدم استقالتي
سمع صوتي برا بالمكاتب طلع مديري
سلم عادي رديت السلام
راح نادى باقي الموظفين والموظفات
قالهم ياجماعه انا مبارح عصبت وغلطت بحق اختي ........... وانا اسف حبيت اعتذرلها قدامكم متل مانا عصبت عليها وضايقتها قدامكم
انا اسف واعتبري ابوكِ وعصب عليكِ.... بعترف اني غلطت واسلوبه كان بايخ بقدم لك اعتذاره واتمنى تقبلييه ...........
ساعتها صحيح حسيت بفرحه ورد اعتبار بس كمان حسيت بحرج كتير كبيرررررررررررررر خصوصامن شخص له مكانه وقدر متله
قال لي وين استقالتك اعطيته ياها
قطع الورقه وكبها
نسيت كل شي وقدرته له اعتذاره وطيب كلامه قدام الكل يعني ماستكبر على انه يتعرف بالغلط
والحمدلله تم تشغيل الموضوع وكل شي كان على مايرام
وبالعكس قدمولي شهاده ودرع تقدير ... ولليوم الكل بشهد لي بحسن التصرف ..
من هالموقف تاكدت انه الصمت والهدوء بأهلنا لنحل مشاكل كتير صعبه
ليومنا هادا لما يحس حاله شوي عصب بقول لي طييييييييف خليني لو سمحتي ماحد يكلمني .. وصار ينتبهه جداا بالمعامله معي
والحمدلله من يومها مافي الا الخير والله لا يغييير علينا
الروابط المفضلة