مرحبا بنات
تجربة أم أنس مع بنوتتها فكرتني و شجعتنى إننا أحكي تجربة أختى مع بنتها
من 3 شهور تقريبا بنت أختى الصغيرة عندها 3 سنين طلعلها ورم صغير في خدها ابتدى على شكل حبة صغيرة وابتدت تكبر
خذتها عند دكتور جلدية قالها ده ورم ولازم يتشال
وقال إنه هيعملها جلسات كي لو جابت نتيجة والورم راح اوكى والا هيعملها عملية يشيله
فابتدو معاها جلسات الكي
كانو كل أسبوع يسافرو بيها هي وباباها لولاية تانية عشان جلسات الكي لكن للأسف الورم كان بيزيد يكبر لغاية ما انتفخ خدها
والله حالتها كانت تصعب عالقلب وهي بنوتة زي القمر وكل اللي يشوفها يتهبل عليها وكإنه عين وصابتها
الدكتور قرر انه لابد من العملية
وسألته انه العملية هتبقى في الوجه فهل هتسيب أثر الغرز في خدها قالها ايوه هيبقى فيه شوية أثر
كلنا قولنالها ما تستعجليش عالعملية ونجرب الطبيعي
فيه ست من معارفنا بتعمل أدوية طبيعية للكتير من الأوجاع والأمراض وكان عندها دوا زي المرهم بينفع للجروح والدمامل نفع عجيب
وهي بتدي الادوية دى في سبيل الله من غير مقابل
قولنالها جربي المرهم ده يمكن يجيب نتيجة
وفعلا ابتدت تدهنلها عالورم كل يوم بالليل وتغطيه بلصقة الطبية
3 أيام بالظبط إتفتح الورم وبدأ يطلع منه خراج كتير ويوم عن يوم بيصغر
وفي يوم كانت بتحميها نزل منه وسخ كتير ودم
وراح الورم لكن بقي مكانه زي جرح مفتوح وخدها كله أحمر
وصفتلها عسل نحل أصلي تدهنلها على الجرح مرتين يوميا
والحمد لله خلال أسبوع راح أثر الجرح ورجع خدها ابيض ولا كإنه كان فيه حاجة الحمد لله
دى تجربة من التجارب كتبتها عالسريع
ولي عودة ببعض الوصفات والتجارب مع اطفالي
تابعونا
دمتم بود
الروابط المفضلة