عندي استفسار + 3طلبات = إن شاء الله إنكم ماتخيبوني
بصراحة حاولت بقد مقدر إني ماأغلبكم ورحت أفحط في محركات البحث والمنتديات
لين انحرقت كل فيوزاتي وأنا مالقيت اللي أبيه
***
أول شي لما أفتح جهازي تطلع لي هالصورة أسفل الشاشة
وإذا سويت دخول للمستخدم تبعي تطلع هالصورة في النص قبل ماينفتح سطح المكتب
وأضغط على
Resolve Now
بعدها ينفتح عالنت وبشكل تلقائي هالصفحة
ويكون موجود في شريط المهام هالعلامةاللي في الوسط
الصفحة اللي تنفتح بشكل تلقائي أقعد أفحط فيها عشان (على قولتهم)آخذ النسخة الأصلية ماقدرت
وهالسالفة حصلت لما مشغل الصوت MP3 تعطل ولما أجي أفتح أي مقطع صوت كان يشتغل
على هالبرنامج يطلع لي مربع حوار بالعنجليزي ورحت أحاول أحمل البرنامج
وقعدت ألف وأدور في المواقع لين لقيت برامج معربة ونزلت بلاير 11 معرب
وطلع نفس الحركة لما أفتح أي مقطع صوت ينفتح نفس مربع الحوار بس بالعربي
لأني نزلت البرنامج معرب ... وهذا هو المربع
طبعا كبرت الصورة عشان يكون الكلام اللي فيها واضح وتعرفون وش فيه هالبرنامج؟؟؟؟
لما أضغط على (التحقق من الصحة)تنفتح نفس الصفحة اللي قلت عليها تنفتح بشكل تلقائي
وأروح أحاول أنزل البرنامج من مواقع ثانية
ونفس الحركة تحصل
وكأني أدور في حلقة مفرغة
فممكن تحلون لي هالورطة وأقدر أشغل هالبلاير الجديد ويكون معرب؟؟؟
***
أما الطلب الثاني
أبي برنامج تسجيل.. يكون فيه مؤثرات صوتية أهمها الصدى
وكمان أقدر أسوي مقطع صوت ثلاثي الأبعاد
لأني أتمنى أسوي مقطع صوت كأني في نفس مكان الأصوات
زي أنشودة (طلع البدر علينا) للمنشد العفاسي
لما أشغلها بالسماعات أنقطع عن العالم الخارجي من شدة مالصوت متوزع بشكل رهيييييييييييييييييييييييييييب ...
وإذا كان البرنامج معرب رح أكون مدينه لكم بهالمعروف
***
الطلب الثالث والأخير
أبي برنامج اقتطاع الصوت
يعني فيه أنشودة وفيها كذا مقطع عاجبيني بس بعيدين عن بعض
فأبي أقتطع هالأجزاء وأركبها على بعض
وياليت برضو يحتوي على مؤثرات ويكون بالعربي
***
هذي ثلاث أشياء أبيها وأنتظر الفزعة لأن براسي أكثر من ألف فكرة وفكرة أبي أسويها
وأطرحها في المنتدى
وبصراحة من شدة مالأفكار كثرت علي ماني عارفة بأيش أبدأ وأشتغل
وعلى مابال أرتب أفكاري وأصفهم بالدور أكون لقيتكم مساعديني بهالثلاث أشياء
***
أنتظركم وأملي فيكم بعد الله كبير ماتخيبوني
***
أختكم
جرووووووح
الروابط المفضلة