الاستعدآد النفسي
مآينفع تكوني دآخلة على زوآج وانتي مو مستعدة نفسيآ
مآتعرفي تهتمي بنفسك، مآتعرفي تهتمي بآلبيت
مآتعرفي تتعآملي مع النآس وتردي وتتكلمي كويس او مآعندك الأسلوب والثقآفة الي تحتآجيهآ
أو مآتقدري تتحملي مسؤولية " زوجة أخويآ مرة قآلتلي انا متزوجة صغيرة ومآ اعرف شي كنت ابغى ارد عليهآ بس جآهآ الرد من زوجها وكآن في الصميم الصغيرة تقعد في بيت أهلهآ لمآ تكبر تتزوج،، اتزوجتي، اتحملي المسؤولية حبيبي الزوآج مو مدينة ملآهي
حآولي تتعلمي كيف تتعآملي مع الرجل في كل اوضاعه وتعرفي احتيآجآته
اتعلمي الاتكيت في الكلام والخروج والزيارات والتصرفآت في كل وضع
وانتبهي على نفسك واسلوبك بليز مآينفع تكوني دآخلة عليه كأنك دآخلة حرب انا دلوعة في بيت اهلي انا دلوعة بابا انا الي ابغاه يجيني :thumbdown: وتكرهي أهله أوتعآمليه رآس برآس،،، الرجل عمره مآيجي كدآ عممممره اذآ عآندتيه محد خسرآن غيرك :banghead: أهم النقآط * انتبهي تعآنديه لانه الرجل اول سنة من الزوآج زي المرآهق الي يبغى يمشي رآيه ويثبت نفسه ويقول أنآ هنآ اسمعي كلآمه وعيشيه جوه * كتيييير بنآت يقولو وريه ضعفك بس النقطة دي تنفهم غلط الضعف المقصود هنآ هوآ " الضعف الأنثوي " مو الضعف الأهبل الي تخليه يقودك احبك وأسمع كلآمك بس لأني " أحبك " مو لأني هبلة او مآ اقدر اعيش من غيرك ضعف نآبع من حب وخلي لك اهتمآمتك وهوآيآتك الخآصة فيكي وصديقآتك مو كل يوم وانتي لآبسة عبآيتك وفآرة وكل منآسبة لآزم تحضريهآ بس لآ تنهي العلآقة مرة وحدة ولآ تتصلي ولآ تسألي وتتغيري عليهم " زي بعض العينآت • خليكي معآه وحدة مجنووووووونة وقدآم النآس هآدية ورزينة بس مآيمنع تبيني حبك له قدآم النآس برقة مثلآ في بيت أهله او اهلك أكليه بيدك،،، حطي له من اكل اذآ شفتيهآ بعيده،،، دلعيه،،، طآلعي له بنظرآت حب وانتو قآعدين ارسلي له ع الوآتس مثلآ أحبك عبري * وعلى دي السيرة،،، انتبهي تكوني متزآعلة مع زوجك وتروحو بيت اهلك او اهله وتبيني،،، عآمليه عاااااااادي زي كل مره قدآم النآس، لآتخلي احد يحس خلي مشآكلكم في بيتكم واتذكري " الشكوى لغير الله مذلة " لآحيفيدوكي ولآ شي يآ رآح ينتقدوكي أو يشمتو فيكي فخليكي سآكتة
Sent from my GT-I9070 using منتديات لكي mobile app
الروابط المفضلة