من زمان ابي اكتب هالموضوع بس أأجل مادري ليش!!!
لان من جد خلاص احترق قلبي وانقهر من الردود الساذجه والرروتينيه كأنها نصائح مقدسه ولا يجب تغييرها
المهم:السالفه ان بعض البنات تجي وتكتب مشكلتها وتبي المشوره
واحيانا مشكلتها تكون معقده زوجها ما يحترمها ومايقدرها ويضربها ولا يعاشرها ولا يصرف عليها و يخون ويغضب الله وووووو
وهالمشاكل تقهر وربي
ثمن تجيك الردود
اول رد والمتعارف عليه والمتفق عليه (تزيني له البسي له تعطري له خليك على سنقة عشره))
الحين الادمي مكفخه وقاهرها وكاسر بنفسها وهي بكل بساطه
تزيني له البسي له تعطري له خليك على سنقة عشره؟؟؟؟؟
من وين تجيب هالنفسيه طيب ؟؟وشو ماعندها احساس ماعندها قلب ماعندها شخصيه ماتزعل يعني ما تعبر عن غضبها؟؟؟
وتروح بعد تتكشخ علشان يرضى ياجعله مايرضى ابد
بيقوول ذي ماعندها احساس وماتدور الا ع الفراش
حتى اسألوا رجالكم والله ان تفكيرهم الغالب مثل بعض لا شافوا المره تكشخت وتعطرت قال بس اكيد تبي....
وكم مره سمعتها من اخصائيين اجتماعيين وفي كتب العلاقاات
واللي يقهر انكم تنصحون كأن هالحيااة قائمه بس على هالرجال واننا بدونهم ولا شي؟؟؟!!!!!
وربي ان الرجال مايحب التلصق والمره الضعيفه اللي بس تدلدل براسها لو قال الشمال جنوب قالت صدقت
اذا المشاكل بسيطه ومن الروتين ايه سوي هالنصائح اما مبهذلك لاااااااااااااااااا
فيه اهلك فيه حكم من اهله وحكم من اهلها فيه الطلااااق
نجي للنصيحه الثانيه قومي الليل وعليك بالدعاء والاستغفار بتيسيره وتسخيره؟؟؟؟؟
يعني ماراح تتذكر قيام الليل والاستغفار الا علشاان هالرجال ياجعله باللي مني بقااايله
وانا اقووول من يعرف الله سبحانه بالرخاء يعرفه بالشده يعني لو هالقيام والدعااء والاستغفار لله عزوجل خااااااااااااااااالص لوجهه العظيم الكريم من قبل المشااكل كان رب العالمين يسر لك امورك لان الحكمه من خلقنا هي العباده
لكن نعبد الله ونجتهد علشااان بس تيسير الرجال وتسخيررره؟؟؟
القصد لا تخلي هالرجال هدفك بكل شي تسويه
ارضي الله عزوجل علشاان يرضي عنك خلقه واولهم زوووجك
الحين نجي للي كاتبه علشانه هالموضوع وهو الطلااااااااااااااااااق والخلع
هذا الحل المرعب والشبح اللي الكل حتى مايبي يفكر فيه والسبب فقط علشان كلام الناس ونظرة الناااس
يعني يجي الرجال من اشر الناس ويسوي البلاوي ومانغضب علشانه يعصي الله سبحاانه اولا لا
نزعل لانه خان وهو بمسماه الحقيقي زنا وهذي من اكبر الكبائر
ما يصرف وبخيل ومانتذكر انها صفه منهي عنها
ما يعاشر ومقصر بالحقوق الواجبه عليه واللي من اجلها شرع الزواج ومانقول لاننا نستحي
ولو هي المقصره سوا الي ما يتسوى
والامثله كثيره
والنبي صلى الله عليه وسلم لم يُنكر على زوجة ثابت بن قيس رضي الله عنها وعنه لما قالت : يا رسول الله ثابت بن قيس ما أعتب عليه في خلق ولا دين ، ولكني أكره الكفر في الإسلام .
فقال رسول الله صلى الله عليه وسلم : أتردين عليه حديقته ؟
قالت : نعم . رواه البخاري .
ففي هذا الحديث أنها سألته الطلاق ؛ لأنها لم تُحبّـه
وفيه أنها ردّت عليه المهر ؛ لأنها هي التي طلبت الطلاق
يعني تطلقت علشااانها بس ما حبته مو لانه مايصلي او ما يصوم او خاااين او بخيل او يمد يده او شكااااك
ومع كذا الرسول ماانكر عليها لان ديننا يسر
وعدتها حيضه واحده فقط لانه خلع
فيحق للزوجة أن تستخدم هذا الحق ( الخُلع ) عندما يكون هناك ما يُبرر طلب الطلاق .
كأن تكون المرأة تكره زوجها كرها شديداً .
أو لا ترضى دينه ( كأن يكون يشرب الخمر أو يتعاطى المخدّرات أو يرتكب فاحشة الزنا )
أو يكون سيئ الخُلُق ، ولو كان على دين وصلاح .
أو يكون كثير الضرب لها من غير مُبرر
أو ترى المرأة أن زوجها يُبغضها ويُضيّق عليها ويؤذيها لأجل أن تطلب هي الطلاق حتى تُفاديه بمالٍ مُقابِل ذلك
الخُـلع ليس ورقة رابحة في يد المرأة تلوّح بها متى شاءت !
وإنما هو حل من الحلول
والحلول منها ما يمكن أن يكون أولـيّـاً ومنها ما يكون كمبضع الجرّاح .
كما تكون الحلول في علاج النشوز ( وعظ فهجر فضرب غير مبرّح )
وقد يكون العلاج مؤلما ساعة تلقي المريض له ، ولكن عاقبته سليمة
وكذلك الأمر بالنسبة للخلع
لا تُكره عليه المرأة ولكنه حق من حقوقها إذا ما كانت الأسباب الداعية إليه من قِبلها أو أرادت أن تشتري كرامتها وتحفظ نفسها من أن تُهان .
وإن كان هذا الأمر محرّم في حق الرجل
أي أن يؤذيها ويعضلها حتى تطلب منه الطلاق .
قال سبحانه وتعالى : (وَلا تَعْضُلُوهُنَّ لِتَذْهَبُوا بِبَعْضِ مَا آَتَيْتُمُوهُنَّ إِلاّ أَنْ يَأْتِينَ بِفَاحِشَةٍ مُبَيِّنَةٍ وَعَاشِرُوهُنَّ بِالْمَعْرُوفِ )
ولكن الزوجة قد تجد نفسها مُضطرّة لمخالعة زوجها في ظروف معينة .
والعلماء يُشبّهون المخالعة بفكاك الأسير نفسه من آسره .
همســــــــــــــــــــه:
الطلاق والخلع حل كأي حل آآآآخر ولاتجعلي الناااس والمجتمع همك وخوفك منهم ما يمنعك منه
ولكن اجعلي الله سبحانه وتعالى ورضاااه اهم من رضا عبيده واغضبي على حدوده
واذكري الله تجده تجاهك
الروابط المفضلة