اخواني طبعا اعتذر عن غيابي بسبب مرض ابني والحمد لله صار بخير فرجعتلكم ومعي معجنات كتير خفيفة ولذيذة وسريعة ويا رب تعجبكم وشكر خاص لكل من دعا لابني بالشفاء الله لا يحرمني منكم ويا رب يجزيكم الجنة قولوا امين

بسم الله نبدا

المقادير والطريقة

نحتاج لعجينة البف باستري
ونحتاج لحشوة ممكن تعملي الحشوة على كيفك وانا معتمدة حشوة ما بغيرها الكل بحبها وهي

لحمة مفرومة نقليهم شوي ونضيف لهم البصل ونتركهم لحد ما يذبلو ثم نضيف فليفلة حلوة حمرا وبندورة ونقلب وبس



نفرد عجينة البف ونقطعها لمربعات صغيرة



نحشيها بالحشوة اللي عندنا



ونسكرها على بعض ولا تنسوا تسكروا الجوانب منيح عشان الحشو ما يطلع



ثم نقليها بالزيت



نتركها حتى يصير لونها ذهبي ونضعها على ورق الزيت حتى يمتص الزيت



وبعدين نقدمها ويا سلام



وبالهنا والعافية



شفتوا كتير سهلة يا رب تكون عجبتكم وما كون رجعت عالفاضي مستنية ردودكم