السلام عليكم
النهارده جايبه لكم طريقه المقلوبه العريشيه
طعمها لذيذ ومفيده لانها تعتبر وجبه متكامله الى جانب السلطه الخضراء
واليكم المقادير والطريقه:
ترنشات طماطم
ترنشات بصل
ترنشات فلفل رومى
ترنشات لحمه أو لحمه مفرومه (انا باعملها باللحمه المفرومه باحس انها طعمها الذ)
باذنجان شرائح ومقلى
حمص الشام مسلوق
بهار عباره عن _حبهان(هيل)- جوزة الطيب-فلفل اسود وملح (بكميات قليله)
أرز مصرى نىء
مرقه بمقدار الارز فقط
الطريقه:
ترص المقادير فى حله مستديره بالترتيب التالى
توضع الطماطم اولا ثم البصل ثم الفلفل ثم اللحم ثم الباذنجان
ثم حمص الشام المسلوق ثم البهارت والفلفل والملح
ثم يوضع الارز ويكبس من فوق باليد جيدا
ثم يوضع عليه المرقه بمقدار الارز فقط لان كل حاجه مستويه
حتى اللحم يكون (عصاج) يعنى مستوى بالبصل
توضع على نار عاديه حتى تتشرب ثم تهدىء النار واضع شياطه وتترك حتى تمام النضج
حوالى ساعه او اقل ثم تقلب وبالهنا والشفا
على فكره ممكن تتاكل مع سلطه زبادى
وده بيكون شكلها
ودى صوره كمان
الروابط المفضلة