هلا حبيباتي... وحشتوني والله... صار لي كم يوم غايبة عن المنتدى...الا اسبوعين...
واللحين ( بس اليوم ) جيتكم ابيكم في خدمة والي يسلمكم...
وحدة من الاخوات الي هنا سافرت اسبانيا تزور اهلها... وحطت عندي ولدها..( اقصد ببغائها )
مع قائمة طوييييييييله بالمسموح والممنوع..
وانا سويت كل شي في القائمة... لدرجة انه مايتكلم الا انقليزي او اسباني اتعلمت كم كلمة اسبانية علشانه...
اليوم كمل ثلاثة ايام عندي... المشكله ياحلوات اني لاحظت انه ماياكل الا مرة وحدة في اليوم مع العلم انها قالت لي اكليه ثلاث او اربع مرات...
ولما يكون لحاله يناديها... ويقلد صوت الطفل لما يبكي...
ولما اروح له علشان هي قالت لي لازم تتكلمي معاه كثير يسكت ويروح على جنب...فماادري ليش؟؟؟؟؟؟؟؟؟؟؟!!!!!!!!!!!!!!!!!!
ولاحظت بعد ان ريشه بدا ينتفه...
ومن جد بنات انا محتارة ايش اسوي وياه انا ماعندي خبرة في طير الببغاء... واخاف يسير له شي وهو امانه عندي..
وبعدين احاول اتكلم معاه مع العلم اني مشغوله لين راسي والله..
يعني لدرجة اني باترك مذاكرتي علشانه... والان هو جبلي القلق وانا عندي اختبار تويفل بعد اسبوعين ومدري ايش اسوي وياه...
فالله يخليكم ساعدوني وقولوا لي ايش اسوي معاه
sid sid
الروابط المفضلة