جزاك الله خيرا وعود بس صعب كيف يضحك الانسان وقت الألم ؟ياريت تبدئي أنت وتذكري موقف حدث لك
عموما هكتب موااقف لا أعرف مناسبة أم لا
ابن الجيران تقدم لابنتي كثيرا ورفضنا لأنه غير ملتزم فجاءت أمه يوما وجلست تمدح فيه وتصطنع البكاء وهي تتكلم
وتقول ابني بيقول لي يا امي قولي الأذكار كل يوم وقولي كذا وكذا هي بكت لكن منظرها كان مضحك
وضحكت غصب عني وهي تبكي وكان موقف محرج جدا لي
موقف أخر احنا كنا الأول بنسافر بالسفن قبل أن تغرق السفينة أغلب الناس خلاص بتسافر الآن طيران المهم ف مرة كنا مسافرين
أنا وعيالي وطلعنا ودخلنا الكبينة أنا وبنتي وابني كان طلع السطح يتفرج فكنا دايما لما نسافر أمن الدولة يضايقونا بأي حاجة
فلقيت عسكري جاي يقولي تعالي معايا عايزينك وهترجعي تاني وجايب معاه جواز سفري
رحت معاه لغاية مكتب أمن الدولة مشوار طويل مشي خلاني قاعدة فترة من غير ما أدخل وكل شوية أبص من بعيد وخايفة المركب تمشي
والآخر دخلت والضابط قعد يسأل أسئلة تافهه وعبيطة ويضيع وقتي ف الفاضي وببص لقيت المركب مشت هو شاقها مشت وقالي خلاص روحي
أنا بصراحة قعدت أجري ومش عارفة هعمل ايه والأولاد ف السفينة والمشوار طويل كان موقف صعب جدا
ورحت وقفت أبص عليها ووهي بتبعد ولقيت واحد واقف بيتكلم في التليفون طلع مسؤول المركب لكن كانت بنتي طلبت أبوها في التلفيون
وعمل اتصالات واحد اتصل على المسؤول قاله عليه فكلم حد ف التليفون ولقيت مركب صغيرة جت وقالي اركبي هيوصلوك
ركبت والمركب مشت بسرعة وصلنا ومن فتحة جانبية دخلوني وطلعوني بحبل وكان منظر ولما طلعت نزلت تاني ولقيتني مع البضايع
والشنط وواحد طلعني الكبينه وصلت لقيت بنتي ميته من البكاء واختلطت دموع الفرح بالغضب باللقاء كان موقف صعب جدا
وكان واحد صديق زوجي وصى علينا ف المركب وبقوا يجيبوالنا أكل خمس نجوم واهتمام وربنا عوضنا الزعل وسخر لنا والحمد لله
الروابط المفضلة