السلام عليكم
الموضوع كتير حلو وبشجع
انا يا عزيزاتي كنت عادية جدا ووزني مناسب وكويس وبلغت بدري يعني كان عمري 10 سنوات ونص
ما زاد وزني كتير بالعكس ضل مناسب مع طولي لاني طوييلة
لحد ما صرت بصف عاشر ويا ويلي علي صار فيه
كان وزني بهاي الفترة 70 كيلو وطولي 170
يعني كان جسمي حلو ومتناسق
هلأ بهاي الفترة كان اخوي عندو امتحانات بالجامعة وكانو صعبين ويضل سهران لل2 الفجر يدرس
وبعد هيك يطلب مننا عشى متأخر فبالتأكيد اعمل هالعشا الحلو كلو مقالي
بطاطا مقلية وزهر وجبنة مقلية كلو قلي في قلي وكان اخوي التاني مغرم بالمعكرونة
وكل يومين بالليل بنفس الوقت يعمللنا معكرونة
المهم حسيت حالي كتيييير نصحت بعد شهرين قبل بداية المدرسة رحت اتوزن ولا وزني كان
88 كيلو تخيلو 18 كيلو خلال شهرين
وبعديها بطلت قادرة اني انزل هاد الوزن وع فكرة لما كنت انا بصف عاشر كان عمري 15
وبهاد العمر كان صعب اني الاقي ارادة واعمل ريجيم كنت مرات اخفف اكل وانزل 2 او 3 كيلو
لحد ما وصلت التوجيهي توزنت قبل بداية امتحانات النهائي كان وزني 87 وما خلصت الامتحانات خلال 18 يوم كنت نازلة فيهم 8 كيلو وصار وزني 80
لكن من هبلي ما سيطرت على نفسي ورجعت زدت وصرت خلال السنتين هدول ازيد واقل اصل ال87 وارجع انقصهم لكن ولا مرة كملت ارادتي اني ارجع لحدود السبعينات
لكن هسه اتخذت قرار باني لازم يصل وزني 70 كيلو وبعديها احافظ واحاول اخسسو اكتر انا هسه وزني 82 وان شاء الله هال12 كيلو الله يساعدني وانزلهم
وبالفعل بلشت من شهر تقريبا ونزلت بدون اي ريجيم حوالي 4 كيلو
ومع الله التوفيق وان شاء الله اني بنزل وبوصل الوزن الي بدي ياه
ومن هون لأطبع ال19 بالزبط اكون واصلة السبعين ياااا رب يعني بعد 20 يوم
ادعوووولي
سلامات واسفة طولت عليكم كتير
اختكم
الروابط المفضلة