كان عندى عزومة و كنت عايزة اعمل للضيوف بيتزا
قعدت افكر اسال مين؟ اسال مين؟ اسال مين شطور و قمور على طريقة مضمونة لعجينة البتزا و شوية نصايح كده؟
سالت القمر السكرة ربنا يباركلها فى بنوتاتها يارب moon and starsبعتلها رسايل خاصة و تعبتها معايا
بس هى و الله ما قصرتش و قالتلى على كذا طريقة
بصراحة العجينة ماشاء الله و لا قوة الا بالله تـــحــــــــــفــــــــــة
و اول مرة عجينة تظبط معايا كده و تتخمر بسرعة
دى العجينة بعد ما عجنتها و حطيتها فى طبق مدهون زيت
و هنا تخيلوا رحت ابص عليها بعد نص ساعة لقيتها ماشاء الله ماية الطبق
انا كمان عملتها من بالليل و بعد ما اختمرت شيلتها فى التلاجة و تانى يوم طلعتها و سبتها تهدا شوية و بدات اشتغل فيها
عملت بيتزا بالتونة و البصل الاخضر و الزيتوت المخلل
وعملت كمان بيتزا بالمشروم و الفلفل الرومى و الزيتون المخلل
انا خبزت البيتزا و بعدين قبل ما الضيوف ييجوا حطيت عليها الجبنة و سخنتها
دى الكمية كلها ماشاء الله و لا قوة الا بالله بس ماعرفتش اصورها بالجبنة لان الضيوف كانوا موجودين
و اتبقى حتة صغيرة من العجين قلت اجرب اعمل الفطيرة المضفرة هتلاقوها على جنب كده
انا استخدمت الصلصة بطريقة حورية المطبخ اللى بتيجى على فتافيت
يقلي البصل في الزيت مع فصوص ثوم مفروم وزعتر (اوريجانو)
نضيف معجون طماطم مع ريحان وملح وفلفل اسود
بجد البيتزا طلعت تجنن و كانت مقرمشة و لذيذة و الضيفة اصرت تكتب الطريقة قبل ما تمشى
و على فكرة الكمية اللى فى الصورة دى هى ضعف الكمية بتاعت موون عملت حوالى 10 بيتزات بحجم طبق صغير
و دى تورتاية صغيرة كنت عملاها فى العزومة و كتبت عليها اسم ابنى بحبات ال m&m's
وبهديها ل moon السكرة و بناتها الحلوين ربنا يباركلها فيهم يارب
الروابط المفضلة