رجاء حار جدااااااا لبنات الرياض

[الحائره2006]

أنا مقيمه جديده في الرياض وطالبتكم لاتخيبوني
ابيكم تدلوني على المراكز التجاريه النسائيه اللي تبيع مكياج من الماركات المشهوره ووين عناوينها بالضبط واذا أمكن تقولولي امثله على بعض الماركات اللي تبيعها
والله يجعله في ميزان حسناتكم

[**لمى**]

اولا ..حياك الله اختي في الرياض

وبالنسبة لمحلات بيع المكياج فيه عندك بصحارى (وجوه) وفيه أغلب الماركات ديور وشانيل وكلينك وسان لوران...
تلقينه بطريق الملك عبدالله وجنبه صحارى بلازا فيه باريس غاليري

حتى العزيزية (هايبر بنده) فيها وجوه وفيه بغرناطة ...
يعني والله كثيرة في كل مكان

على العموم حبيبتي اذا احتجتي اي شيء هنا لا يردك الا يدك آمري بس

[الحائره2006]

مشكوره يالغاليه وماقصرتي بس انابغيت محلات خاصه للنساء عشان أجرب عندهم اللي يناسبني واناسمعت عن مراكز النمر وحياة المرأه بس ماني عارفه عنهم شي ماعندك فكره عنهم

[توتي24]

اهلين فبكي اختي بين اهلك وناسك
فيه في باريس غاليري اللي خلف مركز الحبيب في الدور الثالث قسم نسائي خاص
ان شاء الله تلاقين اللي يعجبك
واذا بغيتي اي شي لاتترددين اسألي وراح نجاوبك ان شاء الله...

[الحائره2006]

جزاك الله خير حبيبتي بس مركز الحبيب هذا بأي شارع بالضبط
وهل انتي تقصدين باريس غاليري اللي عند صحارى بلازا وايش فيه ماركات

[ام ريان2]

عندك في مركز المملكة في قسم مملكة المرأة فية جميع الماركات في دبنهامز

[توتي24]

مركز الحبيب في طريق الملك فهد
لالالالالا
في فرع ثاني القسم النسائي الدور الثالث
كل الماركات اللي في بالك لكن ميك اب فور ايفر ما عندهم....

[محبة القرآن]

حياكِ الله أختي..

وما شاء الله تبارك الله البنات ما قصروا معاك..

بس حبيت أرحب فيك..

[هذا انا]

صحارى فيه (ماك _ ودبنهامز فيه اغلب الماركات _ وجوه فيه اغلب الماركات )
صحارى بلازا ( فيه باريس غالري فيه اكثر الماركات )
محلات هريره جديده على طريق الملك عبدالله وفيه بشارع العليا العام قبل مركز النمر على مااظن <<<<<<<< لاتوهقين البنت

المكياج تقريبا في كل مركز تجاري تلقين على الاقل محل اومحلين


ان شاء الله تعجبك الرياض : )

[الحائره2006]

لمى وتوتي24 وأم ريان2 ومحبة القرأن وهذا أنا
تسلمون وبيض الله وجيهكم وعلى فكره أنا مبسوطه اني تعرفت عليكم وياليت نتعرف على بعض على أرض الواقع
تصدقون لي سنه من سكنت الرياض مازرت أحد ولاأحد زارني لأني ببساطه ماأعرف أحد حتى جيراني ماتعرفت عليهم يعني ماعندي هنا حياة اجتماعيه أبدااااا