كل عام وانتو بالف خير
احنا بشهر رمضان الفضيل وبتعرفو بننزل عالسوق منشان نشتري اواعي العيد للولاد
لفت نظري اللبس غير المحتشم انقهرت بشكل مو طبيعي بتلاقي البنت لابسة جينز ملزق عليها
ولابسة عليه بلوزة للسرة وبالاخر حاطة حجاب طيب لايش الحجاب ما تشيليه احسن
ورافعة كمام بلوزتها للكوع يعني لامنها ولا من حجابها
ولا كله ولا الموديل اللي طالع بتلاقيها حاطة على راسها علبة حمص منشان يكون طالع لفوق تقولو برج ايفل
شو هاد يا عالم ليش هيك الناس صايرة والله صرت اشتهي اشوف صبية لابسة لبس محتشم
والا المكياج المكياج هاد قصة تانية اليوم بطلنا نعرف البنت من المتجوزة
مافي حياء ولا في ذوق طيب البنت اللي بتطلع هيك ابوها او امها او اخوها عادي عندهم هيك طبيعي يعني
وبالاخر بتحكيلك فلان بعاكسني اي ارحمو من في الارض يرحمكم من في السماء
والله مسخوها هالعالم
ولا بتلاقي شب لابس بنطلون نصه ساحل وعاملك شعره تمشيطه كانه قنفذ تقولو ابر مش هيك
او مطول شعره ورابطه والله بس اشوف شب رابط شعره انه قلبي بوجعني والله حرام هاد اللي بصير
المصيبة انه احنا بشهر فضيل
حتى المتجوزات انجنو يا بعدي بتلاقي الوحدة فيهم بطلت تلبس عباية او جلباب وصارت تلبس قمصان وبناطلين بحجة شوووووووووووو خايفة جوزها يتجوز عليها من الشوفات اللي بشوفها
المصيبة كل مالها العالم بقل دينها
الناس بعد الفطور بروحو عالجامع بصلو بتعبدو
هدول لأ بروحو عالمنتزهات منشان يشربو ارجيله وياكلو بزر ويحضرو سهرات
الله يصلحهم يارب بس قهرووووووووووووني
الروابط المفضلة