كتبت بواسطة
shaier
ما شاء الله موضوع رائع
ولكن اختي لقد نسيت اهم شيئ وهو المسكن للاطفال
فقد تحتاجه الام في طريق سفرها من بلد البلد اخر
مرورك الاروع حبيبتي
واضافة رائعة بارك الله فيكي
انا بيكون معايا عادة هو وترمومتر الحرارة بس غالبا احتياجي له يكون في فترة الاقامة
عشان كدا نسيته وكمان عشان اديكم فرصة تضيفو من عندكم خخخخ
كتبت بواسطة
ام سهيل
ماشا ءالله تبارك الله
رحلة موفقة
فكرتيني لسة ما برد مكاني في السيارة
دوبي راجعة من طريق سفر طويل سافرت الرياض بالسيارة تخيلي من المدينة للرياض
ومن الرياض لجدة بعدين للمدينة .
يعني مشوار مافي منه
بالنسبة للحمامات فعلا اخذت قصرية عندي بخمسة ريال اشتريتها زمان لبنتي من ايكيا .
صغيرة وحلوة , وخليت قارورة موية للغسيل وكل ما ننزل محطة ندخل الحمام واحطها عليها والباقي في الحمام نكبه
ونشطف ونخرج , لما كانوا صغار اقل من خمس اشهر افرش فرشتهم وانظفهم ونحط في الكيس واقرب محطة على برميل الزبالة الله يكرمك .
الاكل في علب
الماء في ترمس خاص بكاسات .
وكاسات بلاستيك لو اشتهوا عصير او كوفي معانا .
مخدات للنوم صغيرونة
شرشف لانه عادة في السيارة التكييف يبرد ويبردوا معاه
او البسهم شي كمه طويل .وتحت البنطلون بيجامة خفيفة
معاهم شنطهم فيها دفاتر تلوين والوان والعاب وقصص.
شنطة ايدي فيها لصق جروح مرهم حروق ومرهم مضاد وشارب كحة وشراب مسكن
مسحات طبية . قطرة عين , نكاشات اذان , شاش وقطن .كل هذا في كيس صغيرون
وفازلين , وملابس احتياط للاطفال اقل من خمس سنوات في شنطة خاصة للاطفال.
اشرطة اناشيد كاسيت , أو حتى سي ديهات للسيارات المتطورة .
هم معهم الايبودات الخاصة بهم بس مو طول الوقت في اذونهم.
هذا مالدي الان
عجبتني فكرة المحمول
بس يخلص الشحن وانا ما اشتغل يعني؟
غاليتي ام سهيل
وجودك اسعدني
ومشكورة عالتميز من زوقك والله
بالنسة للحمامات الله يكرمك انا غالبا في الحمام نفسه لو فاضي يعني عند المغاسل على زاوية لان الحمام نفسه عبارة عن قنبلة جرثومية موقوته
والناتج اربطه وارميه في الزبالة تبعت الحمام الله يكرمك
واضافات رائعة منك اثرت الموضوع
وياريت الكل يحط شي من تجربته
ومشوارك مررررررررة طويل الله يعينك
انا بطلت من المحطتين دي تعبت هلكت من الطلعة والنزلة
كنا نوقف في الرياض يوم وبعدين نكمل الشرقية
دحين اخدناها خط واحد صحيح تعب بس مو زي الطلعة والنزلة وتربيط العفش ونكته الشنط
بالنسبة للاب توب
في حاجة عندي مدري اش يسموها بس هي عبارة عن مربع حديد له طرف يدخل في الولاعة والطرف الثاني شكله فيش
اشحن بيه اللاب توب
وابشرك شبكت الراوتر كمان فيه وانترت في الطريق
كتبت بواسطة
حمرة الورد
ليييييييييييييييييش كدا يا وقار ؟
حمستيني وأنا ممنوعة من السفر ..
أموت أنا في دي الحركات .. بس مسكين النونو انحرم منها .. مدري دحين من فين اجيب له هي .. الكبار تهنوا بالسفر في امريكا ..
حتى الطرق وحماماتها تفتح النفس . الحمامات كأنها فنادق . اش نظافة واش زهور واش حدايق .
نكتفي بهذا القدر وشكراً على الموضوع المتميز الذي يستحق الشعار بجدارة ..
الله يخليكي طول ما انتي هنا لا تتحمسي لسفر البر
ولا ححتحطمو تحطيم زي تحطيمة الرد سي
زوجي مات ضحك على مو حلو زي فلوريدا
قال عاد مالقو غير فلوريدا احلى مناطق امريكا
بس اللي يهون عالواحد انه عايش في بلد المسلمين
زوجي حلم حياته نروح امريكا رحلة 3 شهور نحط فيها تحويشة العمر ونقطع امركيا بالطول مدري بالعرض
وانا طبعا اتغظت حتبهدل كمان في امريكا
قاللي والله شي تاني لا تفكري زي هنا الدنيا كلها اخضر فاخضر
وافقت على مضض خخخ اللي يسمع يقول دحين حنروح
وجزاك الله خير عالتميز
بصراحة ما قدرت اعرف مين اللي احطه بس انتو كلكم واحد
عينين في راس
عشان كدا اقدم شكري لجميع مشرفات الركن
الروابط المفضلة