اذكري لنا تجاربك في التقليل من اعراض الوحم ؟
ممممم بتعرفي بالنسبالي الوحم كان مشكله وكان يستمر معي حتى نهاية الخامس
عذااااب
الحمدلله على كل حال
والله انا كنت اميل بشده للجبنه المالحه
كنت بحس انها بتهدي اعراض الوحم
الطبيبه نصحتني اني مخليش معدتي فاضيه
وان كل ساعتيت اخد شيء
وانا نايمه كنت ازبط المنبه كل ساعتين
اقوم اشرب شوية عصير او اكل جزء من تفاحه او موزه
يعني كميات مش كبيرة
بس ده كان بيهدي من اعراض الوحم خصوصا اول مأقوم من النوم
لان احيانا كنت الترجيع بيستمر طول النهار وبشده
بحس ان فاضل ارجع معدتي
والله كمان في اقراص بتهدي الاعراض دي بس مرضتش اخدها
ما هي تقاليد وموروثات بلدكم في ما يخص معرفة جنس الجنين ؟
ههههه
ياما
طبعا شكل البطن في الاشهر الاخيره
نوع الوحم وشدته
انتفاخ الجسم
الحامل احلوت ولا اوحشت
البيبي حركته كتير ولاقليله
بس تعرفي جدات زوجي الله يرحمهم
كانوا موجودين وقت حملي الاول
واول مدخلت عليهم بداية السابع
قالولي انت حامل بولد
سبحان الله احيانا كتير كلامهم بيبقى صح فالحته دي
اذكري لنا كل المشاكل التي واجهتك اثناء الحمل ؟
في الاتنين حصلي نوع نادر من مضاعفات الحمل
وهوه نقص الصفايح الدمويه بشكل مش طبيعي
وبمجرد دخولي في النص التاني من الحمل
فحملي الاول
دخت من اللف على الدكاترة كنت اروح لتلات دكاترة فالشهر
دكتورة الولاده ودكتورة دم ودكتورة تغذيه
علشان احسن من مستوى الصفايح
وساعة الولاده اعطوني جرعه مكثفه من احد مواد رفع الصفايح بروتينات تقريبا
وكانت مكلفه جدا
يعني طول فترة الحمل كانت متعبه جدا زهقت الدكاترة
غير ان اشتبهوا باعتلال الكبد لانه كان بيجيلي الام عنده متواصله من الشهر السابع
فالاخر لقينا محمد باشا هوه السبب كان ضاغط في قعدته عليه
لكن فالحمل التاني قلتلهم مش هروح غير لطبيبة النسا والي يحصل يحصل
ودخلت المستشفى والصفايح متدنيه جدا وولدت الحمدلله
ومحصلش حاجه بارادة ربنا سبحانه وتعالى
كيف تخلصتي من هذه المشاكل كالامساك , الشد العضلي,نقص الحديد في الدم .....الخ ؟ الحمدلله لم اعاني من هالمشاكل عانيت لفتره من غازات فظيعه لكن كنت اخد معلقة كمون على الريق وقبل النوم وبعدها كوب ماء وابعد عن المأكولات الي تسبب غازات والحمدلله عدت
الروابط المفضلة