$$$ البيت العراقي تفتح أبوابه ساره الكسوله خخخخ $$$

**ساره الاعظمي** · 22-10-2008, 01:27 PM

السلام عليكم ورحمة الله وبركاته
شلونكم بنات والله مشتاقتلكم كلشش هوايه
ترى أني هسه بالكليه وشفت البيت مسدود

كلت افتحلكم بيت وتسولفون بي
ياعيني عليه بالدوام وحايره بيكم خخخ
يالله تعالو سولفوا واروح انتظر ابو الخط حتى ارجع للبيت

أحبــــــكـــــم

**ام مرمر و ليلو** · 22-10-2008, 01:32 PM

بسم الله الرحمن الرحيم لا إله إلا الله الملك الحق المبين لا إله إلا الله العدل اليقين لا إله إلا الله ربنا ورب آبائنا الأولين سبحانك إني كنت من الظالمين لا إله إلا الله وحده لا شريك له له الملك وله الحمد يحي ويميت وهو حي لا يموت بيده الخير وإليه المصير وهو على كل شيء قدير. لا إله إلا الله إقرارا ً بربوبيته سبحان الله خضوعا لعظمته اللهم يا نور السموات و الأرض ، يا عماد السموات والأرض ، يا جبار السموات والأرض ، يا ديان السموات والأرض ، يا وارث السموات والأرض

أسألك الله إن تعم الأمن والأمان في بلدي الحبيب العراق وان تجعلهم إخوة متحابين متكاتفين لنصرة ديننا الحنيف اللهم اجعلهم ممن حسناتهم تتكاثر وذنوبهم تتناثر وهمومهم تتطاير اللهم اجعل بسمتهم سعادة وصمتهم عبادة وخاتمتهم شهادة ورزقهم في زيادة وبكل زخة مطر وبعدد من حج واعتمر أدعو الله أن يتقبل صالح العمل منا ومنهم اللهم آميــــــــــن

**ام مرمر و ليلو** · 22-10-2008, 01:33 PM

بسم الله الرحمن الرحيم
لا إله إلا الله الملك الحق المبين لا إله إلا الله العدل اليقين لا إله إلا الله ربنا ورب آبائنا الأولين سبحانك إني كنت من الظالمين لا إله إلا الله وحده لا شريك له له الملك وله الحمد يحي ويميت وهو حي لا يموت بيده الخير وإليه المصير وهو على كل شيء قدير. لا إله إلا الله إقرارا ً بربوبيته سبحان الله خضوعا لعظمته اللهم يا نور السموات و الأرض ، يا عماد السموات والأرض ، يا جبار السموات والأرض ، يا ديان السموات والأرض ، يا وارث السموات والأرض

أسألك الله إن تعم الأمن والأمان في بلدي الحبيب العراق وان تجعلهم إخوة متحابين متكاتفين لنصرة ديننا الحنيف اللهم اجعلهم ممن حسناتهم تتكاثر وذنوبهم تتناثر وهمومهم تتطاير اللهم اجعل بسمتهم سعادة وصمتهم عبادة وخاتمتهم شهادة ورزقهم في زيادة وبكل زخة مطر وبعدد من حج واعتمر أدعو الله أن يتقبل صالح العمل منا ومنهم اللهم آميــــــــــن

**ام مرمر و ليلو** · 22-10-2008, 01:36 PM

سيحان الله فتحت موضوع واجيت اخلي هذا الدعاء بدية لموضوعنا بس كلت خلي اتاكد
انه ماكو بيت جديد ولكيت سارة فاتحتلنه هذا البيت رغم قبل ثواني جان ماكو ههههههههههه
اللهم اجعله بيتنا العامر

**ام مسرة** · 22-10-2008, 01:42 PM

السلام عليكم ورحمةالله وبركاتة
مبارك علينا البيت الجديد وعاشت ايد ياسارةالعسل على البيت
ادري بيج تحبينا ومتكدرين على فركانا حتى بالكلية تفكرين بينا
بس عاد لاتخربطين هناك وتكعدين تحجين بالبيت بدل الشرح ههههههههههه
وتسلمين ياام مريومة على الدعاء كلش حلو ويارب يستجيب الدعاء
ويرجع بلدنا احسن من الاول

**ام مسرة** · 22-10-2008, 01:48 PM

تدرين ام مريم اني اليوم سويت دولمة وهسة اكتب وريحت الدولمة دوختني
بس مرة قريت طريقتها بالمنتدى مااذكر انتي او غيرج الي كاتبتها وكاتبة ان بعد منخلص
نخلي فوقها صحن حتى لاتفتح مو صحيح تدرين اني شاسوي وهذا تعلمتا من الوالدة الله يرحمها ويرحم موتاكم
من تخلصين ناخذكم ورقة سلق ونفتحها فوقها بحيث تغطي الوجه وشوفي ابد متنفتح
ويبقى شكلها حلو شنو رايك جربيها وشوفي
ها طولت مو باللة

**ام مرمر و ليلو** · 22-10-2008, 02:03 PM

بالعافية عليج ومطرح مايسري يمري
اني بصراحة اخلي ماعون او قبق جدرية اصغر من الجدرية المستخدمتهة
واني صحيح عندي صور الدولمة بس مامنزلتها بالمنتدى
وانشاء الله اجرب طريقتج
والله يرحم والدتك ويرحم موتانا وموتاكم
والف عافية
وبالعكس انتي تنورين مو دوخين
الله يخليلك مسرة وابوها

**sara17** · 22-10-2008, 06:12 PM

ما شاء الله تبارك علاه
مبروك البيت الجديد
يارب
الامن والامان
بعراقنا الغالي
نجتمع دوما على الخير والصحة والسعادة
سارونه الحلوة فتحتي البيت وانطيتينا المفاتيح ادري
بس لا تغيبين علينا
الله يوفقج بالدراسة
سلالالالالالالالالالالالالام
لكل البنات الحلوات

**اسورة** · 22-10-2008, 08:21 PM

السلام عليكم

مبروك عليكم وعلينا البيت العراقي.. وان شاء الله عامر بحسكم وبدعواتكم الحلوة

اللهم احفظ العراق للعراقيين .. اللهم آميييين

شلونكم حبايبي.. عذروني الفترة اللي فاتت ما ادخل .. لان كلش مشغولة وما عندي وكت دوام وبيت وجهال وشغل بالمنتدى مطلوب مني ..
يعني ما الحك افوت للبيت
بس اليوم كلت لازم افوت واسلم على حبايبي.. ما اعرف اخباركم من زمان.. ما اعرف شنو صار بغيابي بهالفترة المضت

المهم ان شاء الله تكونون كلكم بخير وبصحة وسلام وامان وسعادة
وبدون ذكر اسماء خاف انسى احد ويزعلون علية .. الكل غاليين على قلبي .. مكانكم بالقلب

دمتم بحفظ الله ورعايته

**intidhar** · 22-10-2008, 10:56 PM

السلام عليكم
ادخلوها بسلام امنين
صدق الله العظيم
بسم الله ماشاء الله !
عاشت الايادي سارتنا الغاليه وعفيه عليج على هالبيت التحفه
هههههههه
الله عليج يا ام مريومه الورده وعلى الدعاء من فدوه الحلكَج حبيبتي
اللهم امين
حيييييييييييييل اسورة هاي وينج يا معوده ديري بالج علينه !!
ههههههههه
شلونج عيني الله يعينج على التعب بس ضلي طلي علينه بين فتره والثانيه
ام هنوده شلونج وشلونها هنوده الحلوه وعلو كَولتج صدق العراقيين صبرهم اكبر من كل همومهم وربي ينطيهم على كَد نيهم
ام مريم والله ضحكتيني على الشتا عندكم بالامارات !!!!
ههههههههه تعالي اخذي شويه من شتانه والله تسوين علينه فضل
ههههههه
سلامي للجميع بدون ذكر اسماء كلكم عزيزات كَلبي

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: $$$ البيت العراقي تفتح أبوابه ساره الكسوله خخخخ $$$

أدوات الموضوع

العرض