حينما تكتشف وجود أناس قلوبهم مثل
اللؤلؤ المكنون فى الصفاءوالنقاء
قلوبهم لا تحمل الكره والبغضاء
اللهم أحفظهم وأكرمهم وأجمعنى بهم تحت ظل عرشك فأنى احبهم فيك
ربنا يبارك فيكم كلكم ويرزقكم ما تتمنون
ام حسين كنتى زعلانه عشان كل الهدايا لساره انا بهديكى الورشه دى عشان خاطرك
وكمان ماما ام قسمت وحبيبتى واستاذتى جوجو وكل البنات هنا بحبهم فى الله
دى صور للمفرش الاصلى وكمان الباترون وبعدين نبدأ الورشه
ملاحظات
1_أستخدمى خيط قطن رفيع وهيبقى احسن لو ناشف مش طرى
2_وانتى بتشتغلى مترخيش ايدك اوى حاولى يكون الشغل ماسك شويه لانى وانا شغاله فى الاول لقيت ان شكل الاناناسات مش حلو خالص وانا راخيه ايدى فصغرى غرزك
3_كبرى الباترون وامشى معاه كل سطر عشان متهويش لان دا كمان حصل معايا
وانا قسمتلك الجزء الاول كله الى اسطر لحد معدينا اكبر جزء فى الباترون
4_اختصرت الالفاظ وانا بكتبها مثلا :
س=سلسه ح=حشو ع=عامود
صدفه=3عامود+3سلسله+3عامود
الجزء المظلل= يعنى نفس الكلام اللى بدأنا بيه السطر هو اللى هنكرره وننهى بيه السطر
الصور اللى جايه بتشرح استراتيجيه المفرش وازاى هنشتغل
هنا الاناناسات هتكرر معانا بالشكل ده
فى بدايه ونهايه المفرش
قولولى لو اى حاجه مش واضحه
وكمان اكمل الصور ولا استنى تطبقوا ونمشى سوا لانى لسه بشتغل معاكم
الروابط المفضلة